പാക് താരങ്ങള് അഭിനയിച്ച ചിത്രങ്ങള് പ്രദര്ശിപ്പിക്കില്ലെന്ന് തീയേറ്റര് ഉടമകള്; കരണ് ജോഹാര് ചിത്രം പ്രതിസന്ധിയില്
ന്യൂഡല്ഹി: ഉറി ഭീകരാക്രമണത്തിന്റെ പശ്ചാത്തലത്തില് ബോളിവുഡ് ചിത്രങ്ങളില് വേഷമിടുന്ന പാക് താരങ്ങള്ക്കെതിരേ ഉയര്ന്ന പ്രതിഷേധം പുതിയ തലത്തില്. പാക് താരങ്ങളും സാങ്കേതിക പ്രവര്ത്തകരും പങ്കളികളായ ചിത്രങ്ങള് പ്രദര്ശിപ്പിക്കാനാവില്ലെന്ന് തീയേറ്റര് ഉടമകളുടെ സംഘടന തീരുമാനിച്ചു. പാകിസ്ഥാന് താരമായ ഫവാദ് ഖാന് അഭിനയിക്കുന്ന ഏ ദില് ഹേ മുശ്കില് എന്ന കരണ് ജോഹാര് ചിത്രത്തിനാണ് ഈ തീരുമാനം പ്രതിസന്ധി സൃഷ്ടിച്ചിരിക്കുന്നത്.
ദീപാവലി റിലീസിന് പദ്ധതിയിട്ടിരിക്കുന്ന ചിത്രം മള്ട്ടിപ്ലെക്സുകളിലുള്പ്പെടെ ആയിരകണക്കിന് സ്ക്രീനുകളില് ഒക്ടോബര് 28ന് എത്താനിരുന്നതാണ്. ചിത്രത്തിന്റെ നിര്മാതാക്കള് തീയേറ്റര് ഉടമകളുടെ തീരുമാനത്തോട് പ്രതികരിച്ചിട്ടില്ല. റിലീസുമായി മുന്നോട്ടു പോകാന് തന്നെയാണ് നിര്മാതാക്കളുടെ തീരുമാനമെന്നാണ് വിവരം.