കൊക്കെയ്ൻ കേസ്: മുഖ്യപ്രതിയെ കൊച്ചിയിലെത്തിച്ചു

കൊച്ചി: കൊക്കെയ്ൻ കേസിലെ മുഖ്യപ്രതിയെ കൊച്ചിയിലെത്തിച്ചു. നോർത്ത് ഗോവയിൽ നിന്ന് ഗോവ പോലീസിന്റെ സഹായത്തോടെ കൊച്ചി പോലീസ് പിടികൂടിയ നൈജീരിയൻ സ്വദേശി ഒക്കോവേ ചിഗോസി കോളിൻസിനെയാണ് കൊച്ചിയിലെത്തിച്ചത്. പ്രതികൾക്ക് കൊക്കെയ്ൻ എത്തിച്ചത് ഇയാളാണെന്ന് പോലീസ് അറിയിച്ചു.

കേസിൽ നേരത്തെ അറസ്റ്റിലായ യുവതാരം ഷൈൻ ടോം ചാക്കോ താൻ കൊക്കെയ്ൻ ഉപയോഗിച്ചിട്ടില്ലെന്നും സുഹൃത്തുകൾക്കൊപ്പം സിനിമാ കാര്യങ്ങൾ ചർച്ച ചെയ്യാനാണ് ഫ്‌ളാറ്റിൽ പോയതെന്നും പറഞ്ഞിരുന്നു. ഷൈൻ കൊക്കെയ്ൻ ഉപയോഗിച്ചിട്ടില്ലെന്ന് ലാബ് പരിശോധനയിലും വ്യക്തമായിരുന്നു.