സംസ്ഥാനത്ത് 20 പേര്ക്ക് കൂടി കൊറോണ; എറണാകുളത്ത് ആരോഗ്യ പ്രവര്ത്തകനും രോഗം സ്ഥിരീകരിച്ചു
തിരുവനന്തപുരം: സംസ്ഥാനത്ത് ഇന്ന് 20 പേര്ക്ക് കൂടി കൊറോണ സ്ഥിരീകരിച്ചു. കണ്ണൂരില് 8 പേര്ക്കും കാസര്കോട് 7 പേര്ക്കും തിരുവനന്തപുരം, എറണാകുളം, തൃശൂര്, പാലക്കാട്, മലപ്പുറം ജില്ലകളില് നിന്നും ഓരോരുത്തര്ക്കും ആണ് രോഗം സ്ഥിരികരിച്ചത്. ആരോഗ്യമന്ത്രി കെ.കെ.ശൈലജയാണ് വാര്ത്താസമ്മേളനത്തില് ഇക്കാര്യം അറിയിച്ചത്.
രോഗം സ്ഥിരീകരിച്ചവരില് 18 പേര് വിദേശത്ത് നിന്ന് എത്തിയവരാണ്. മറ്റ് രണ്ട് പേര്ക്ക് സമ്പര്ക്കത്തിലൂടെയാണ് രോഗബാധയുണ്ടായത്. എറണാകുളത്ത് ആരോഗ്യപ്രവര്ത്തകന് രോഗം സ്ഥിരീകരിച്ചു. തിരുവനന്തപുരത്ത് രോഗബാധ സ്ഥിരീകരിച്ചയാള് മെഡിക്കല് കോളേജില് ഐസൊലേഷന് ഐ.സി.യു.വില് ചികിത്സയിലാണ്.
ഇതോടെ സംസ്ഥാനത്ത് രോഗം സ്ഥിരീകരിച്ചവരുടെ എണ്ണം 202 ആയി. നിലവില് 181 പേരാണ് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്. പത്തനംതിട്ടയിലെ ചികിത്സയിലായിരുന്ന നാലുപേരുടെ പരിശോധനാഫലം നെഗറ്റീവ് ആയിട്ടുണ്ട്.
വിവിധ ജില്ലകളിലായി 1,41,211 പേര് നിരീക്ഷണത്തിലാണ്. ഇവരില് 1,40,618 പേര് വീടുകളിലും 593 പേര് ആശുപത്രികളിലും നിരീക്ഷണത്തിലാണ്.