സംസ്ഥാനത്ത് 240 പേര്ക്ക് കോവിഡ് സ്ഥിരീകരിച്ചു; തുടര്ച്ചയായി രണ്ടാം ദിവസവും 200ന മേല് രോഗികള്
സംസ്ഥാനത്ത് ഇന്ന് കോവിഡ് സ്ഥിരീകരിച്ചത് 240 പേര്ക്ക്. തുടര്ച്ചയായി രണ്ടാമത്തെ ദിവസമാണ് 200ന് മേല് ആളുകള്ക്ക് രോഗബാധ സ്ഥിരീകരിക്കുന്നത്. മലപ്പുറം ജില്ലയില് നിന്നുള്ള 37 പേര്ക്കും, കണ്ണൂര് ജില്ലയില് നിന്നുള്ള 35 പേര്ക്കും, പാലക്കാട് ജില്ലയില് നിന്നുള്ള 29 പേര്ക്കും, പത്തനംതിട്ട ജില്ലയില് നിന്നുള്ള 22 പേര്ക്കും, ആലപ്പുഴ, തൃശൂര് ജില്ലകളില് നിന്നുള്ള 20 പേര്ക്ക് വീതവും, തിരുവനന്തപുരം, കൊല്ലം ജില്ലകളില് നിന്നുള്ള 16 പേര്ക്ക് വീതവും, കാസര്ഗോഡ് ജില്ലയില് നിന്നുള്ള 14 പേര്ക്കും, എറണാകുളം ജില്ലയില് നിന്നുള്ള 13 പേര്ക്കും, കോഴിക്കോട് ജില്ലയില് നിന്നുള്ള 8 പേര്ക്കും, കോട്ടയം ജില്ലയില് നിന്നുള്ള 6 പേര്ക്കും ഇടുക്കി, വയനാട് ജില്ലകളില് നിന്നുള്ള 2 പേര്ക്കുമാണ് ഇന്ന് രോഗം സ്ഥിരീകരിച്ചത്.
സംസ്ഥാനത്ത് പ്രതിദിനം രോഗം സ്ഥിരീകരിക്കുന്നവരില് ഏറ്റവും ഉയര്ന്ന നിരക്കാണ് ഇന്ന് രേഖപ്പെടുത്തിയത്. വെള്ളിയാഴ്ച രേഖപ്പെടുത്തിയ റെക്കോര്ഡാണ് ഇന്ന് തിരുത്തപ്പെട്ടത്. ഇന്ന് രോഗബാധ സ്ഥിരീകരിച്ചവരില് 152 പേര് വിദേശത്ത് നിന്നെത്തിയവരാണ്. 52 പേര് മറ്റു സംസ്ഥാനങ്ങളില് നിന്നെത്തി. 17 പേര്ക്ക് സമ്പര്ക്കത്തിലൂടെ രോഗം ബാധിച്ചു. എറണാകുളം ജില്ലയിലെ 5 പേര്ക്കും, തിരുവനന്തപുരം ജില്ലയിലെ 4 പേര്ക്കും, തൃശൂര് ജില്ലയിലെ 3 പേര്ക്കും, കൊല്ലം, ആലപ്പുഴ ജില്ലകളിലെ 2 പേര്ക്ക് വീതവും മലപ്പുറം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
കണ്ണൂര് ജില്ലയിലെ 11 ഡി.എസ്.സി.ക്കാര്ക്കും 4 സി.ഐ.എസ്.എഫുകാര്ക്കും തൃശൂര് ജില്ലയിലെ 4 ബി.എസ്.എഫുകാര്ക്കും രോഗം ബാധിച്ചതായി സ്ഥിരീകരിച്ചു. 209 പേര് ഇന്ന് രോഗമുക്തി നേടിയിട്ടുണ്ട്. ഇനി 2129 പേരാണ് ചികിത്സയിലുള്ളത്. 3048 പേര് ഇതുവരെ കോവിഡില് നിന്നും മുക്തി നേടി. ഇന്ന് 13 പുതിയ ഹോട്ട്സ്പോട്ടുകള് കൂട്ടിച്ചേര്ത്തപ്പോള് 7 പ്രദേശങ്ങളെ ഒഴിവാക്കിയിട്ടുണ്ട്.