Wednesday , 1 April 2020
News Updates

നിര്‍ദേശങ്ങള്‍ ലംഘിച്ച് കറക്കം; പാലക്കാട്ടെ കൊവിഡ് രോഗിക്കെതിരെ കേസെടുത്തു

പാലക്കാട്: നിര്‍ദേശങ്ങള്‍ ലംഘിച്ച് കറങ്ങി നടക്കുകയും രോഗം പടരാന്‍ കാരണമാകുകയും ചെയ്ത സംഭവത്തില്‍ പാലക്കാട്ടെ കൊറോണ രോഗിക്കെതിരെ കേസെടുത്തു. ദുബായില്‍ നിന്ന് തിരിച്ചെത്തിയ ശേഷം ക്വാറന്റീനില്‍ കഴിയണമെന്ന നിര്‍ദേശം അനുസരിക്കാതെ 8 ദിവസത്തോളമാണ് ഇയാള്‍ സഞ്ചരിച്ചത്. മാര്‍ച്ച് 13നാണ് ഇയാള്‍ നാട്ടിലെത്തിയത്.

പിന്നീട് പള്ളിയില്‍ എത്ത് രണ്ട് ജുമാ നമസ്‌കാരങ്ങളില്‍ പങ്കെടുക്കുകയും ആശുപത്രികളിലും യത്തീം ഖാനയിലും സന്ദര്‍ശനം നടത്തുകയും ചെയ്തു. നാട്ടുകാര്‍ വിവരം അറിയിച്ചതിനെത്തുടര്‍ന്ന് 21-ാം തിയതിയാണ് ഇയാളെ ആരോഗ്യവകുപ്പ് അധികൃതര്‍ കണ്ടെത്തിയത്.

പിന്നീട് നിരീക്ഷണത്തിലായിരുന്നു ഇയാള്‍ക്ക് ഇന്നലെയാണ് രോഗബാധ സ്ഥിരീകരിച്ചത്. ഇയാളുടെ മകനും നിരീക്ഷണത്തിലാണ്. മകന്‍ കണ്ടക്ടറായി ജോലി ചെയ്യുകയാണ്. ഏഴ് അംഗങ്ങളുള്ള കുടുംബമാണ് ഇയാളുടേത്. രോഗം സ്ഥിരീകരിച്ച സാഹചര്യത്തില്‍ കുടുംബാംഗങ്ങളുടെ സാംപിളുകള്‍ പരിശോധനയ്ക്കായി ശേഖരിക്കും.

DONT MISS