Wednesday , 20 November 2019
News Updates

ഫുട്‌ബോള്‍ വാങ്ങാന്‍ യോഗം ചേര്‍ന്ന കുട്ടികളെ കൊച്ചിയിലേക്ക് ക്ഷണിച്ച് കേരള ബ്ലാസ്‌റ്റേഴ്‌സ്

കൊച്ചി: ഫുട്‌ബോള്‍ വാങ്ങുന്നതിനായി യോഗം ചേര്‍ന്ന കുട്ടിക്കൂട്ടമായിരുന്നു കഴിഞ്ഞ ദിവസം സോഷ്യല്‍ മീഡിയയെ ഇളക്കി മറിച്ചത്. സുശാന്ത് നിലമ്പൂരിന്റെ ഫെയിസ്ബുക്ക് ലൈവിലൂടെ വൈറലായി മാറിയ ഈ കുട്ടി ഫുട്‌ബോള്‍ ടീമിന് ചലച്ചിത്ര താരം ഉണ്ണി മുകുന്ദന്‍ ഉള്‍പ്പെടെ നിരവധി പേര്‍ ഫുട്‌ബോളുകള്‍ നല്‍കുകയും ചെയ്തു. എന്നാല്‍ ഇവര്‍ക്ക് സ്വപ്‌നതുല്യമായ ഒരു വാഗ്ദാനം നല്‍കിയിരിക്കുകയാണ് കേരളത്തിന്റെ ഐഎസ്എല്‍ ടീമായ കേരള ബ്ലാസ്‌റ്റേഴ്‌സ്.

കലൂരിലേക്ക് ഈ കുട്ടി ബ്ലാസ്റ്റേഴ്‌സിനെ ക്ഷണിക്കുകയാണെന്ന് കേരള ബ്ലാസ്റ്റേഴ്‌സ് അറിയിച്ചു. ലക്ഷ്യം നേടുന്നതിനായുള്ള ഇവരുടെ ആഗ്രഹം തങ്ങള്‍ക്ക് പ്രചോദനമാകുകയാണെന്നും ഇവര്‍ക്ക് അര്‍ഹമായത് നല്‍കുമെന്നും ബ്ലാസ്‌റ്റേഴ്‌സ് അറിയിക്കുന്നു. ഉടന്‍ കാണാമെന്ന് പറഞ്ഞാണ് ബ്ലാസ്റ്റേഴ്‌സിന്റെ ഫെയിസ്ബുക്ക് പോസ്റ്റ് അവസാനിക്കുന്നത്.

DONT MISS