അസമില് കോണ്ഗ്രസ് അധികാരത്തില് എത്തിയാല് പൗരത്വ നിയമം നടപ്പിലാക്കില്ലെന്ന് രാഹുല് ഗാന്ധി
അസമില് കോണ്ഗ്രസ് അധികാരത്തില് എത്തിയാല് പൗരത്വ നിയമം നടപ്പിലാക്കില്ലെന്ന് രാഹുല് ഗാന്ധി. അസം നിയമസഭാ തെരഞ്ഞെടുപ്പ് പ്രചാരണ റാലിയില് സംസാരിക്കുകയായിരുന്നു രാഹുല്. അസം ജനതയുടെ മൂല്യങ്ങള് കോണ്ഗ്രസ് സംരക്ഷിക്കും. നാഗ്പുരില് നിന്നോ ദില്ലിയില് നിന്നോ നിര്ദേശങ്ങള് സ്വീകരിക്കുന്ന മുഖ്യമന്ത്രിയല്ല, ജനങ്ങളുടെ ശബ്ദം കേള്ക്കുന്ന സ്വന്തം മുഖ്യമന്ത്രിയാണ് അസമിന് വേണ്ടതെന്നും രാഹുല് പറഞ്ഞു.
അസം ജനതയുടെ യോജിപ്പ് താനും തന്റെ പാര്ട്ടിയും സംരക്ഷിക്കും. ജനതയുടെ യോജിപ്പ് സമാധാനം കൊണ്ടുവരും. ആര്എസ്എസും ബിജെപിയും അസമിനെ വിഘടിക്കാന് ശ്രമിക്കുകയാണ്. അസം വിഘടിച്ചാല് പ്രധാനമന്ത്രി നരേന്ദ്ര മോദിക്കോ കേന്ദ്ര ആഭ്യന്തര മന്ത്രിക്കോ യാതൊരു പ്രശ്നവുമില്ല. പക്ഷേ അസമിനെയും രാജ്യത്തെയുമാണത് ബാധിക്കുക. നിയമപരമല്ലാത്ത കുടിയേറ്റം അസമില് ഒരു പ്രശ്നമാണ്. പക്ഷേ അത് ചര്ച്ചയിലൂടെ പരിഹരിക്കാന് അസമിന് കഴിയും.
റിമോട്ട് കണ്ട്രോള് ഉപയോഗിച്ച് ടിവിയെ നിയന്ത്രിക്കാം. പക്ഷേ മുഖ്യമന്ത്രിയെ നിയന്ത്രിക്കരുത്. നിലവിലെ മുഖ്യമന്ത്രിയെ നിയന്ത്രിക്കുന്നത് നാഗ്പുരും ദില്ലിയുമാണ്. ഇത് പോലൊരു മുഖ്യമന്ത്രിയെയാണ് ലഭിക്കുന്നതെങ്കില് അസം ജനതക്ക് അതുകൊണ്ട് യാതൊരു ഗുണവുമില്ല. തങ്ങള്ക്ക് ജോലി നല്കുന്ന മുഖ്യമന്ത്രിയെയാണ് യുവതക്ക് ആവശ്യമെന്നും രാഹുല് കൂട്ടിച്ചേര്ത്തു.