ഇംഗ്ലണ്ടിലെ പ്രമുഖ സ്കൂളില് കുട്ടികള്‍ പരസ്പരം സംസാരിക്കുന്നത് നിരോധിച്ചു; പ്രതിഷേധവുമായി മാതാപിതാക്കള്
ലണ്ടന്‍: ഇംഗ്ലണ്ടലെ പ്രമുഖ വിദ്യാഭ്യാസ സ്ഥാപനമായ ദി ആല്ബനീ സ്കൂളില് വിദ്യാര്ത്ഥികള് പരസ്പരം സംസാരിക്കുന്നത് നിരോധിച്ചു. സ്കൂളിന്റെ അച്ചടക്കം വര്ദ്ധിപ്പിക്കുന്നതിന്റെ ഭാഗമാണ് പുതിയ നിയമമെന്ന് അധികൃതരുടെ വിശദീകരണം. അതേസമയം പുതിയ നീക്കം കുട്ടികളുടെ വളര്ച്ചയെ സാരമായി ബാധിക്കുമെന്ന് മാതാപിതാക്കള് ചൂണ്ടിക്കാണിക്കുന്നു. വിദ്യാര്ത്ഥികള് തമ്മില് സംസാരിക്കുന്നത് നിരോധിക്കുന്ന യുകെയിലെ ആദ്യത്തെ സ്കൂളാണ് ദി ആല്ബനീ. കുട്ടികളുടെ സ്വഭാവദൂഷ്യങ്ങള് നിയന്ത്രിക്കുന്നതിന് വേണ്ടിയാണ് ഈ പ്രാചീന നിയമം വീണ്ടും കൊണ്ടുവന്നിരിക്കുന്നത്.
വരാന്തയിലും ക്ലാസ് മുറികളിലും ഇരുന്ന് സംസാരിക്കുന്നത് ശ്രദ്ധയില്‍പ്പെട്ടാല്‍ 30 മിനിറ്റ് സസ്‌പെന്‍ഷന്‍ ഉള്‍പ്പെടെയുള്ള നടപടികളുണ്ടാകാറുണ്ടെന്ന് കുട്ടികള്‍ പറയുന്നു. വളരെ അച്ചടക്കത്തോടെ ക്യൂ നിന്നുവേണം സ്‌കൂളിലെ കുട്ടികള്‍ ക്ലാസുകളില്‍ പ്രവേശിക്കാന്‍. നിശ്ബദത പാലിക്കാനുള്ള പുതിയ നിയമം കളിസ്ഥലങ്ങളിലും ബാധകമാണ്. കളിക്കുമ്പോള്‍ കുട്ടികള്‍ അനാവശ്യമായി സംസാരിക്കുന്നുവെന്നാണ് അധികൃതര്‍ ചൂണ്ടി കാണിക്കുന്നത്.
ഈ വര്‍ഷം ജൂണിലാണ് നിശബ്ദത പാലിക്കാനുള്ള നിയമം പ്രാബല്യത്തില്‍ വരുന്നത്. കുട്ടികളിലെ അച്ചടക്കം വളര്‍ത്താന്‍ കര്‍ശനമായി നിയമങ്ങള്‍ നടപ്പിലാക്കേണ്ടതുണ്ടെന്ന് ഹെഡ് ടീച്ചര്‍ മാസോണ്‍ പറഞ്ഞു. പുതിയ നിയമം പ്രാബല്യത്തില്‍ വന്ന് ഒരു മാസത്തിനുള്ളില്‍ തന്നെ ക്ലാസില്‍ ഏകാന്തമായിരിക്കുന്ന കുട്ടികളുടെ എണ്ണം പകുതിയായി. അതേസമയം നിരവധി മാതാപിതാക്കള് സ്കൂളിന്റെ തീരുമാനത്തിനെതിരായി രംഗത്ത് വന്നു. ചിലര്‍ കുട്ടികളെ സ്‌കൂളിലേക്ക് പഠനത്തിനയക്കില്ലെന്ന് വ്യക്തമാക്കിയിട്ടുണ്ട്.
