കാലാവസ്ഥാ വ്യതിയാനം കടുത്ത ക്ഷാമത്തിന്റെ മുന്നോടി
കാലാവസ്ഥ വ്യതിയാനം ഒരുപാട് കാലം നീണ്ടുനിൽക്കുന്നത് രൂക്ഷമായ ക്ഷാമത്തിന് കാരണമാകുമെന്ന് റിപ്പോർട്ട്. ക്ഷാമം 35 വർഷമോ അതിൽ കൂടുതലോ കാലം നീണ്ടു നിന്നേക്കാം
Sep 17, 2014, 15:57 IST
|
കാലാവസ്ഥ വ്യതിയാനം ഒരുപാട് കാലം നീണ്ടുനിൽക്കുന്നത് രൂക്ഷമായ ക്ഷാമത്തിന് കാരണമാകുമെന്ന് റിപ്പോർട്ട്. ക്ഷാമം 35 വർഷമോ അതിൽ കൂടുതലോ കാലം നീണ്ടു നിന്നേക്കാം
ആഗോള താപനത്തിലെ വർദ്ധനവ് ചൂട് കൂട്ടുകയും, മഴ കുറയ്ക്കുകയും ചെയ്യുന്നതാണ് ഇതിന്
കാരണമാകുന്നതെന്ന് ഗവേഷണം നടത്തിയ കോർനെൽ യൂണിവേഴ്സിറ്റിയിലെ ടോബി ആൾട്ട് പറഞ്ഞു. അമേരിക്കയുടെ തെക്ക്-പടിഞ്ഞാറൻ മേഖലയിൽ ഈ നൂറ്റാണ്ടിൽ തന്നെ കടുത്ത ക്ഷാമമുണ്ടാവാനുളള സാധ്യത 5 മുതൽ 15 ശതമാനം വരെയാണ്. ഇത് 20 മുതൽ 50 ശതമാനം വർദ്ധിക്കാനുളള സാധ്യതയുണ്ടെന്നും ആൾട്ട് പറഞ്ഞു.
അമേരിക്കയിലെ തെക്ക്-പടിഞ്ഞാറ് മേഖലയെ കൂടാതെ ദക്ഷിണ യൂറോപ്പിലും, ആഫ്രിക്ക, ഇന്ത്യ എന്നിവിടങ്ങളിലും ക്ഷാമം ഉണ്ടാകാമെന്ന് ആരിസോണ യൂണിവേഴ്സിറ്റിയിലെ പരിസ്ഥിതി ശാസ്ത്രഞ്ജനായ ജൊനാദൻ ടി ഓവർപെക്ക് പറഞ്ഞു.