വധൂവരന്മാരുടെ ഡാൻസിനൊടുക്കം സംഭവിച്ചത്; വീഡിയോ കാണാം

വിവാഹദിവസം വധൂവരന്മാരും ബന്ധുമിത്രാദികളും നൃത്തം ചെയ്യുന്ന രംഗങ്ങൾ കണ്ടിട്ടുണ്ട്. എന്നാൽ ഈ ഡാൻസ് അൽപം കടന്ന് പോയി. നീളൻ ഗൗൺ ധരിച്ച് കയ്യിൽ ബൊക്കെയും പിടിച്ച് വധുവും കോട്ടും സ്യൂട്ടുമണിഞ്ഞ വരനും എത്തി. സന്തോഷത്താൽ മതിമറന്ന് വരനും വധുവും ആവേശത്തോടെയാണ് വേദിയിലെത്തിയത്. അതിഥികൾ ഇരുവരേയും കയ്യടിച്ച് സ്വാഗതം ചെയ്തു.

തന്റെ കോട്ട് ഊരി വധുവിന്റെ കയ്യിൽ കൊടുത്ത വരൻ തലകുത്തിമറിയാൻ (ഹാൻഡ് സ്റ്റാന്റ് ബാക്ഫ്‌ളിപ്) ശ്രമിച്ചു. മന:പ്പൂർവ്വമല്ലെങ്കിലും രണ്ടാമത്തെ കരണംമറിയൽ അൽപം കടന്നുപോയി. വരന്റെ സാഹസിക പ്രകടനം ശ്രദ്ധയിൽ പെടാതെ നൃത്തം ചെയ്യുകയായിരുന്ന വധുവിന്റെ തലയ്ക്കിട്ട് ചവിട്ടി അവരെ മറിച്ചിട്ടായിരുന്നു അത്യന്തം നിർഭാഗ്യകരമായ ആ കലാപ്രകടനം അവസാനിച്ചത്.

സദസിലുള്ളവരെല്ലാം ഒരു നിമിഷം അന്ധാളിച്ചു നിന്നു. നിലത്തു നിന്നും എഴുന്നേൽപ്പിക്കാൻ ശ്രമിക്കുന്നതിനിടെ വധു വീണ്ടും താഴെ വീണു. എന്തായാലും ജീവിതത്തിൽ മറക്കാനാവാത്ത വിവാഹ ദിനമായിരിക്കും രണ്ടുപേർക്കും ഇത്.

വീഡിയോ കാണാം.