മമ്മൂട്ടി നായകനായ ഫയർമാന്റെ ടീസർ പുറത്തിറങ്ങി

മെഗാസ്റ്റാർ മമ്മൂട്ടി നായകനാകുന്ന ഫയർമാൻ എന്ന ചിത്രത്തിന്റെ ടീസർ പുറത്തിറങ്ങി. ദീപു കരുണാകരൻ തിരക്കഥയും സംവിധാനവും നിർവഹിക്കുന്ന ചിത്രത്തിൽ വിജയ് എന്ന ഫയർഫോഴ്‌സ് ഉദ്യോഗസ്ഥന്റെ വേഷമാണ് മമ്മൂട്ടി അവതരിപ്പിക്കുന്നത്. ഗ്യാലക്‌സി ഫിലിംസിന്റെ ബാനറിൽ മിലൻ ജലീലാണ് ചിത്രം നിർമിക്കുന്നത്. ഈ വർഷത്തെ മമ്മൂട്ടിയുടെ ആദ്യചിത്രമെന്ന പ്രത്യേകതയും ഫയർമാനുണ്ട്. നൈല ഉഷയാണ് നായിക.

ഉണ്ണി മുകുന്ദൻ, സിദ്ധിഖ്, സലിംകുമാർ, സാദിഖ് തുടങ്ങിയവരാണ് മറ്റു പ്രധാന വേഷങ്ങൾ അവതരിപ്പിക്കുന്നത്. ക്രേസി ഗോപാലൻ, തേജാഭായി എന്നീ ചിത്രങ്ങൾ ശേഷം ദീപു ഒരുക്കുന്ന ചിത്രമാണിത്. സംഗീതം: രാഹുൽ രാജ്.

ഫെബ്രുവരി ആദ്യവാരം ചിത്രം തിയേറ്ററുകളിലെത്തും.