ഹാപ്പി എൻഡിങ്ങിലെ ജീ ഭാഡ്കെ പുറത്തിറങ്ങി
റൊമാന്റിക്ക് കോമഡി ചിത്രമായ ഹാപ്പി എൻഡിങ്ങിലെ ജീ ഭാഡ്കെ എന്ന ഗാനം പുറത്തിറങ്ങി. നേരത്തെ ചിത്രത്തിലെ പുസ്സി ക്യാറ്റ് എന്ന ഗാനം പുറത്തിറങ്ങിയിരുന്നു. ചിത്രത്തിലെ നായകന്റെ അവസ്ഥയെപ്പറ്റിയുള്ള ഗാനത്തിന് മികച്ച പ്രതികരണമാണ് ലഭിച്ചിരുന്നത്. ആദ്യ ഗാനം കോമഡി മൂഡിലുള്ളതാണെങ്കിൽ പാർട്ടി മൂഡിലാണ് രണ്ടാം ഗാനം ജീ ഭാഡ്കെ. ബോളിവുഡ് ഹിറ്റ് കൂട്ടുകെട്ടായ ദിവ്യ കുമാറും ഷിഫാലി അൽവാരിസും ചേർന്നാണ് ഗാനം ആലപിച്ചിരിക്കുന്നത്.
സച്ചിൻജിഗർ ചിത്രത്തിന് സംഗീതം പകർന്നിരിക്കുന്നത്. സെയ്ഫ് അലിഖാൻ അവതരിപ്പിക്കുന്ന കഥാപാത്രം ചിത്രത്തിൽ എഴുത്തുകാരനാണ്. കുറച്ച് നാളായി ഒന്നും എഴുതാൻ കഴിയാതിരിക്കുന്ന എഴുത്തുകാരനെ ബോളിവുഡിലെ ഒരു സൂപ്പർ സ്റ്റാർ ഹോളിവുഡ് സ്റ്റൈൽ തിരക്കഥ എഴുതാനായി ക്ഷണിക്കുന്നതും തുടർന്ന് നടക്കുന്ന രസകരമായ സംഭവവികാസങ്ങളുമാണ് ചിത്രത്തിന്റെ ഇതിവൃത്തം.
ഡി ഫോർ ഡോപിഡി എന്ന തെലുങ്ക് ചിത്രത്തിലൂടെ സംവിധാനരംഗത്ത് അരങ്ങേറ്റം കുറിച്ച രാജ് നിധിമോരുകൃഷ്ണ ഡി കെ കൂട്ടുകെട്ടിന്റെ ആദ്യ ഹിന്ദി ചിത്രമാണ് ഹാപ്പി എൻഡിങ്. സെയ്ഫ് അലി ഖാനെ കൂടാതെ ഗോവിന്ദ, ഇല്ല്യാന ഡിക്രൂസ്, കൽക്കി കൊച്ചലിൻ, രൺവീർ ഷോരേ എന്നിവരാണ് ചിത്രത്തിൽ അഭിനയിക്കുന്നത്. ഇവരെ കൂടാതെ കരീന കപൂർ ഖാൻ, പ്രീറ്റി സിന്റ എന്നിവർ അതിഥി വേഷത്തിലും എത്തുന്നുണ്ട്.
ഇലൂമിനേറ്റ് ഫിലിംസിന്റെ ബാനറിൽ സെയ്ഫ് അലിഖാൻ, ദിനേഷ് വിജയൻ, സുനിൽ ലുല തുടങ്ങിയവർ ചേർന്ന് നിർമ്മിച്ചിരിക്കുന്ന ചിത്രം അടുത്ത മാസം അവസാനത്തോടെ തീയേറ്ററുകളിൽ എത്തും.