ആമി പ്രദര്ശിപ്പിക്കരുത്; കമല് സംവിധാനം ചെയ്യുന്ന മഞ്ജു വാര്യര് ചിത്രത്തിനെതിരെ ഹൈക്കോടതിയില് ഹര്ജി
ആമിയുടെ പ്രദര്ശനാനുമതി നിഷേധിക്കാന് സെന്സര് ബോര്ഡിന് നിര്ദേശം നല്കണമെന്നാണ് ഹര്ജിയില് ആവശ്യപ്പെട്ടിരിക്കുന്നത്. മാധവിക്കുട്ടിയുടെ യഥാര്ത്ഥ ജീവിതത്തില് നിന്നും പലകാര്യങ്ങളും ചിത്രത്തില് കാണിക്കുന്നില്ലെന്നും ഒരാളുടെ ജീവിത കഥ പറയുമ്പോള് അയാളുടെ ജീവിതത്തിലെ ചില കാര്യങ്ങള് മറച്ചുവെക്കാന് സംവിധായകന് അവകാശമില്ലെന്നും ഹര്ജി ചൂണ്ടിക്കാട്ടുന്നു.
മാധവിക്കുട്ടിയുടെ ജീവിതം ആസ്പദമാക്കി നിര്മ്മിക്കുന്ന ചിത്രത്തില് അവരുടെ ജീവിതവുമായി ബന്ധപ്പെട്ട സംഭവവികാസങ്ങളെ വളച്ചൊടിക്കാനോ മനഃപൂര്വ്വം മറച്ചു വെക്കാനോ സംവിധായകന് അവകാശമില്ലെന്ന് ഹര്ജിയില് പറയുന്നു. കമല് സംവിധാനം ചെയ്യുന്ന ചിത്രത്തില് മാധവിക്കുട്ടിയെ അവതരിപ്പിക്കുന്നത് മഞ്ജു വാര്യര് ആണ്. സിനിമ അടുത്ത മാസം റിലീസ് ചെയ്യുമെന്നാണ് കരുതുന്നത്.