സംസ്ഥാന ചലച്ചിത്ര അവാർഡുകൾ പ്രഖ്യാപിച്ചു: നിവിൻ പോളിയും സുദേവ് നായരും മികച്ച നടന്മാർ; നസ്രിയ മികച്ച നടി
തിരുവനന്തപുരം: 2014ലെ സംസ്ഥാന ചലച്ചിത്ര അവാർഡുകൾ പ്രഖ്യാപിച്ചു. നിവിൻ പോളിയും സുദേവ് നായരും മികച്ച നടൻമാരായി തെരഞ്ഞെടുക്കപ്പെട്ടു. ബാംഗ്ലൂർ ഡെയ്സ്, 1983 എന്നീ ചിത്രങ്ങളാണ് നിവിനെ പുരസ്കാരത്തിന് അർഹനാക്കിയത്. മൈ ലൈഫ് പാർട്ണർ എന്ന ചിത്രത്തിലെ അഭിനയത്തിനാണ് സുദേവ് മികച്ച നടനായത്. ബാംഗ്ലൂർ ഡെയ്സ്, ഓം ശാന്തി ഓശാന എന്നീ ചിത്രങ്ങളിലെ അഭിനയമികവിന് നസ്രിയ നസീമിനാണ് മികച്ച നടിക്കുള്ള പുരസ്കാരം. മന്ത്രി തിരുവഞ്ചൂർ രാധാകൃഷ്ണനാണ് അവാർഡുകൾ പ്രഖ്യാപിച്ചത്. ജോൺപോൾ ചെയർമാനായ ജൂറിയാണ് ചിത്രങ്ങൾ വിലയിരുത്തിയത്.
മികച്ച നടൻ-നിവിൻ പോളി, സുദേവ് നായർ
മികച്ച നടി-നസ്രിയ നസീം
മികച്ച സംവിധായകൻ- സനൽ കുമാർ ശശിധരൻ (ഒരാൾ പൊക്കം)
മികച്ച കഥാകൃത്ത്-സിദ്ധാർത്ഥ് ശിവ (ഐൻ)
മികച്ച ചിത്രം- ഒറ്റാൽ (ജയരാജ്)
മികച്ച സ്വഭാവ നടൻ-അനൂപ് മേനോൻ
മികച്ച സ്വഭാവ നടി- സേതു ലക്ഷ്മി
മികച്ച തിരക്കഥാകൃത്ത്- അഞ്ജലി മേനോൻ
മികച്ച സംഗീത സംവിധായകൻ- രമേശ് നാരായണൻ
മികച്ച ഗായകൻ-യേശുദാസ്
മികച്ച ഗായിക- ശ്രേയ ഘോഷാൽ
മികച്ച നവാഗത സംവിധായകൻ-എബ്രിഡ് ഷൈൻ (1893)
മികച്ച പശ്ചാത്തല സംഗീതം-ബിജിബാൽ
മികച്ച ഛായാഗ്രഹണം-അമൽ നീരദ്
മികച്ച ബാലതാരം-അദ്വൈത്
മികച്ച ബാലനടി-അന്ന ഫാത്തിമ
മികച്ച രണ്ടാമത്തെ ചിത്രം-മൈ ലൈഫ് പാർട്ണർ
മികച്ച വസ്ത്രാലങ്കാരം-സമീറ സനീഷ്