നിയമസഭാ തിരഞ്ഞെടുപ്പ്: സ്ഥാനാർഥികളെ പ്രഖ്യാപിച്ച് CPI; LDF ആത്മവിശ്വാസത്തിലെന്ന് ബിനോയ് വിശ്വം

നിയമസഭാ തിരഞ്ഞെടുപ്പ് തീയതി പ്രഖ്യാപിച്ചതിന് പിന്നാലെ സ്ഥാനാർഥികളെ പ്രഖ്യാപിച്ച് സിപിഐ. 25 സ്ഥാനാർഥികളെയാണ് പ്രഖ്യാപിച്ചിരിക്കുന്നത്. പൂർണ സ്ഥാനാർഥി പട്ടിക പുറത്ത് വിടുന്ന ആദ്യ രാഷ്ട്രീയ പാർട്ടി സിപിഐയെന്ന് സംസ്ഥാന സെക്രട്ടറി ബിനോയ് വിശ്വം പറഞ്ഞു. പാർട്ടി സംസ്ഥാന എക്‌സിക്യുട്ടീവ് ചർച്ച ചെയ്തു അംഗീകരിച്ച സ്ഥാനാർഥി പട്ടികയാണ് പുറത്തുവിടുന്നതെന്നും എൽഡിഎഫ് പൂർണ ആത്മവിശ്വാസത്തിലാണെന്നും ബിനോയ് വിശ്വം പറഞ്ഞു.

എൽഡിഎഫിന്റെ മൂന്നാം വരവ് ജനങ്ങൾ ആഗ്രഹിക്കുന്നുണ്ട്. അതുകൊണ്ടാണ് ‘മറ്റാരുണ്ട് LDF അല്ലാതെ’ എന്ന ടാ​ഗ് ലൈനെന്ന് ബിനോയ് വിശ്വം പറഞ്ഞു. എതിരാളികളായ കോൺഗ്രസും ബിജെപിയും കോൺഗ്രസും ഒന്നിച്ചു എൽഡിഎഫിനെ നേരിടുന്നു. ഇത്തവണയും അവരുടെ അവിശുദ്ധ കൂട്ട് കെട്ടുണ്ടെന്ന് അദേഹം ആരോരിച്ചു. ഒരുമിച്ചുള്ള കോൺഗ്രസിനെയും ബിജെപിയെയും നേരിടാനാണ് എൽഡിഎഫ് ഒരു മുഴം മുൻപേ എറിയുന്നതെന്ന് അദേഹം വ്യക്തമാക്കി.