തിരുവനന്തപുരത്ത് മലയോര തീരദേശ യാത്രകള്ക്കും ഖനന പ്രവര്ത്തനങ്ങള്ക്കും വിലക്ക്
തിരുവനന്തപുരം: ജില്ലയില് ക്വാറിയിങ്, മൈനിങ് പ്രവര്ത്തനങ്ങളും മലയോര, കായലോര, കടലോര മേഖലയിലേക്കുള്ള അവശ്യ സര്വീസുകള് ഒഴികെയുള്ള ഗതാഗതവും വിനോദസഞ്ചാരവും ഇനിയൊരു അറിയിപ്പുണ്ടാകുന്നതുവരെ നിരോധിച്ചതായി ജില്ലാ കളക്ടര് ജെറോമിക് ജോര്ജ് അറിയിച്ചു. ജില്ലയില് അതിശക്തമായ മഴ തുടരുന്നതിനാലും ഇന്ന് ഓറഞ്ച് അലര്ട്ട് പ്രഖ്യാപിച്ച സാഹചര്യത്തിലുമാണ് നിരോധനം.
കേരള തീരത്തും തെക്കന് തമിഴ്നാട് തീരത്തും ഇന്ന് (സെപ്റ്റംബര് 29) രാത്രി 11.30 വരെ 0.5 മുതല് 1.3 മീറ്റര് വരെയും ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. ഈ സാഹചര്യത്തില് മത്സ്യത്തൊഴിലാളികള്ക്കും തീരദേശവാസികള്ക്കും സംസ്ഥാന ദുരന്തനിവാരണ അതോറിറ്റി ജാഗ്രതാ നിര്ദേശം നൽകി