ഗാസയിലേക്ക് സഹായവുമായി ഇന്ത്യ; മരുന്നും അവശ്യവസ്തുക്കളും അടങ്ങുന്ന വിമാനം പുറപ്പെട്ടു
Oct 22, 2023, 12:17 IST
ന്യൂഡൽഹി: യുദ്ധ പശ്ചാത്തലത്തിൽ ഗാസയിലേക്ക് സഹായവുമായി ഇന്ത്യ. 6.5 ടൺ മരുന്നുകളും ദുരിത ബാധിതർക്കുളള 32 ടൺ അവശ്യവസ്തുക്കളും അടങ്ങുന്ന വിമാനം ഗാസയിലേക്ക് പുറപ്പെട്ടു. മരുന്നുകൾ, ശസ്ത്രക്രിയയ്ക്ക് അവശ്യമായ വസ്തുക്കൾ, ടെന്റുകൾ, സ്ലീപ്പിങ് ബാഗുകൾ, സാനിറ്ററി യൂട്ടിലിറ്റികൾ, ജലശുദ്ധീകരണ ഗുളികകൾ എന്നിവയും ഇവയിൽ ഉൾപ്പെടുന്നതായി വിദേശകാര്യ വക്താവ് അരിന്ദം ബാഗ്ചി പറഞ്ഞു.