ജയലളിതക്കെതിരായ സ്വത്ത് സമ്പാദന കേസ്: വിധി നാളെ

ചെന്നൈ: തമിഴ്‌നാട് മുഖ്യമന്ത്രി ജയലളിതക്കെതിരായ അനധികൃത സ്വത്ത് സമ്പാദന കേസിൽ ബാംഗ്ലൂർ പ്രത്യേക കോടതി നാളെ വിധി പറയും. ജസ്റ്റിസ് ജോൺ മിഖായേലാണ് വിധി പ്രസ്താവിക്കുക. വിധി കേൾക്കുന്നതിനായി ജയലളിതയ്‌ക്കൊപ്പം സംസ്ഥാന മന്ത്രിമാരും പാർട്ടി പ്രവർത്തകരും ഇന്ന് ബാംഗ്ലൂരിൽ എത്തും.

1991-നും 96-നും ഇടയിൽ മുഖ്യമന്ത്രിയായിരിക്കെ ജയലളിത 66.65 കോടി രൂപയുടെ സ്വത്ത് അനധികൃതമായി സമ്പാദിച്ചെന്ന കേസിന്റെ വിചാരണയാണ് ബാംഗ്ലൂരിലെ പ്രത്യേക കോടതിയിൽ നടക്കുന്നത്.