മൂന്നാറിൽ വീണ്ടും ഭീതി പടർത്തി പടയപ്പ; നിരവധി കൃഷികൾ നശിപ്പിച്ചു
Oct 22, 2023, 13:00 IST
ഇടുക്കി: മൂന്നാറിലെ ജനവാസ മേഖലയിൽ വീണ്ടും പടയപ്പയിറങ്ങി. ഗ്രഹാംസ് ലാൻഡ് എസ്റ്റേറ്റിൽ പുലർച്ചെയാണ് പടയപ്പയിറങ്ങിയത്. ജനവാസ മേഖലയിൽ ഒരു മണിക്കൂറോളം തമ്പടിച്ച ആന നിരവധി കൃഷി നശിപ്പിച്ചു. തൊഴിലാളികൾ ബഹളം വെച്ചതോടെയാണ് ആന തിരിച്ച് പോയത്.
സാധാരണയായി അരി തേടി എത്താറുള്ള ആന ഇത്തവണ അരി കിട്ടാതായതോടെയാണ് പച്ചക്കറി കൃഷിയിടത്തിലേക്ക് ഇറങ്ങിയത്. ഏതാനും ദിവസങ്ങൾക്ക് മുമ്പ് കുണ്ടള എസ്റ്റേറ്റിൽ പടയപ്പയിറങ്ങിയിരുന്നു. നാട്ടുകാർ ബഹളം വെച്ചതോടെ ആന ആളുകൾക്ക് നേരെ തിരിഞ്ഞു. എസ്റ്റേറ്റിലെ മണ്ണ് മണ്ണ് ഉൾപ്പെടെ കുത്തിനീക്കിയശേഷം നാട്ടുകാരെ ആക്രമിക്കാൻ ശ്രമിക്കുകയായിരുന്നു. ഒരുപാട് നേരം എസ്റ്റേറ്റിൽ നിലയുറപ്പിച്ച ശേഷമാണ് ആന കാടുകയറിയത്.