സംവിധായകൻ സിദ്ദിഖിന്റെ ആരോഗ്യനിലയിൽ മാറ്റമില്ല; മെഡിക്കൽ ബോർഡ് ആരോഗ്യസ്ഥിതി വിലയിരുത്തും
Updated: Aug 8, 2023, 10:44 IST
ഹൃദയാഘാതത്തെ തുടർന്ന് ചികിത്സയിൽ കഴിയുന്ന സംവിധായകൻ സിദ്ദിഖിന്റെ ആരോഗ്യനില മാറ്റമില്ലാതെ തുടരുന്നു. കൊച്ചി അമൃത ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ് അദ്ദേഹം. എക്മോ സപ്പോർട്ടിലാണ് സിദ്ദിഖ് എന്ന് ആശുപത്രി അറിയിച്ചു. തിങ്കളാഴ്ചയാണ് അദ്ദേഹത്തിന് ഹൃദയാഘാതമുണ്ടായത്.
കരൾ രോഗം, ന്യുമോണിയ എന്നിവയുടെ ചികിത്സയിലായിരുന്നു അദ്ദേഹം. ഈ അസുഖങ്ങൾ ഭേദമായി വരുന്നതിനിടെയാണ് തിങ്കളാഴ്ച ഹൃദയാഘാതമുണ്ടായത്. ഇന്ന് മെഡിക്കൽ ബോർഡ് ചേർന്ന് അദ്ദേഹത്തിന്റെ ആരോഗ്യനില വിലയിരുത്തും.