ഇ​ന്ത്യ​ൻ ഫു​ട്ബാ​ൾ ക്യാ​മ്പി​ലേ​ക്ക് താ​ര​ങ്ങ​ളെ വിട്ടുനൽകാൻ വിസമ്മതിച്ച് മോഹൻ ബ​ഗാ​ൻ

ഖാ​ലി​ദ് ജ​മീ​ൽ പ​രി​ശീ​ല​ക​നാ​യി ചു​മ​ത​ല​യേ​റ്റ​ശേ​ഷം ആ​ദ്യ​മാ​യി ന​ട​ക്കു​ന്ന ഇ​ന്ത്യ​ൻ ഫു​ട്ബാ​ൾ ക്യാ​മ്പി​ലേ​ക്ക് താ​ര​ങ്ങ​ളെ വി​ട്ടു​ന​ൽ​കാ​ൻ വി​സ​മ്മ​തി​ച്ച് മോ​ഹ​ൻ ബ​ഗാ​ൻ മാ​നേ​ജ്മെ​ന്റ്. വെ​ള്ളി​യാ​ഴ്ച ബം​ഗ​ളൂ​രു​വി​ലെ പ്ര​കാ​ശ് പ​ദു​ക്കോ​ൺ അ​ക്കാ​ദ​മി​യി​ൽ ആ​രം​ഭി​ച്ച ക്യാ​മ്പി​ലേ​ക്ക് മ​ല​യാ​ളി മ​ധ്യ​നി​ര താ​രം സ​ഹ​ൽ അ​ബ്ദു​ൽ സ​മ​ദ് അ​ട​ക്കം ഏ​ഴു പ്ര​ധാ​ന താ​ര​ങ്ങ​ളാ​ണ് ബ​ഗാ​നി​ൽ​നി​ന്ന് എ​ത്തി​ച്ചേ​രാ​നു​ള്ള​ത്.

ഡ്യൂ​റ​ൻ​ഡ് ക​പ്പ് മ​ത്സ​ര​ങ്ങ​ൾ ന​ട​ക്കു​ന്ന​തി​നാ​ൽ ബ​ഗാ​ൻ താ​ര​ങ്ങ​ൾ വൈ​കി ക്യാ​മ്പി​ലെ​ത്തു​മെ​ന്നാ​യി​രു​ന്നു നേ​ര​ത്തേ അ​റി​യി​ച്ചി​രു​ന്ന​ത്. എ​ന്നാ​ൽ, ഞാ​യ​റാ​ഴ്ച ചി​ര​വൈ​രി​ക​ളാ​യ ഈ​സ്റ്റ് ബം​ഗാ​ളി​നെ​തി​രെ തോ​ൽ​വി വ​ഴ​ങ്ങി​യ ബ​ഗാ​ൻ ഡ്യൂ​റ​ൻ​ഡ് ക​പ്പി​ൽ​നി​ന്ന് പു​റ​ത്താ​യി. പി​ന്നാ​ലെ​യാ​ണ് ത​ങ്ങ​ളു​ടെ ടീ​മം​ഗ​ങ്ങ​ളെ ദേ​ശീ​യ ക്യാ​മ്പി​ന​യ​ക്കാ​ൻ താ​ൽ​പ​ര്യ​മി​ല്ലെ​ന്ന ബ​ഗാ​ൻ മാ​നേ​ജ്മെ​ന്റി​ന്റെ പ്ര​തി​ക​ര​ണം വ​രു​ന്ന​ത്. ബ​ഗാ​ൻ താ​ര​ങ്ങ​ളെ കൂ​ടാ​തെ മ​റ്റു ആ​റു താ​ര​ങ്ങ​ൾ​കൂ​ടി ക്യാ​മ്പി​ൽ ചേ​രാ​നു​ണ്ട്.

ദേ​ശീ​യ ടീ​മി​ൽ​നി​ന്ന് വി​ര​മി​ച്ചി​ട്ടും മു​ൻ കോ​ച്ച് മ​നോ​ലോ മാ​ർ​ക്വേ​സ് ടീ​മി​ലേ​ക്ക് തി​രി​ച്ചെ​ത്തി​ച്ച സു​നി​ൽ ഛേത്രി​യെ ഒ​ഴി​വാ​ക്കി​യാ​ണ് പു​തി​യ കോ​ച്ച് ഖാ​ലി​ദ് ജ​മീ​ൽ ഈ​മാ​സം 29ന് ​ആ​രം​ഭി​ക്കാ​നി​രി​ക്കു​ന്ന കാ​ഫ നാ​ഷ​ൻ​സ് ക​പ്പ് ഫു​ട്ബാ​ളി​നു​ള്ള ദേ​ശീ​യ ക്യാ​മ്പി​ന്റെ 35 അം​ഗ സാ​ധ്യ​ത പ​ട്ടി​ക ഒ​രു​ക്കി​യ​ത്. ഛേത്രി​യെ ഒ​ഴി​വാ​ക്കി​യ​ത് സം​ബ​ന്ധി​ച്ച അ​ഭ്യൂ​ഹ​ങ്ങ​ൾ​ക്ക് ജ​മീ​ൽ​ത​ന്നെ ക​ഴി​ഞ്ഞ ദി​വ​സം പ്ര​തി​ക​ര​ണം ന​ൽ​കി​യി​രു​ന്നു. ഒ​ക്ടോ​ബ​റി​ൽ ന​ട​ക്കാ​നി​രി​ക്കു​ന്ന ഏ​ഷ്യാ ക​പ്പ് ടൂ​ർ​ണ​മെ​ന്റി​നു​ള്ള മു​ന്നൊ​രു​ക്ക മ​ത്സ​രം മാ​ത്ര​മാ​യാ​ണ് കാ​ഫ നാ​ഷ​ൻ​സ് ക​പ്പി​നെ കാ​ണു​ന്ന​തെ​ന്ന് അ​ദ്ദേ​ഹം വ്യ​ക്ത​മാ​ക്കി. ഛേത്രി​ക്ക് പ​ക​രം മ​റ്റു​താ​ര​ങ്ങ​ളെ പ​രീ​ക്ഷി​ക്കാ​നാ​ണ് ശ്ര​മി​ക്കു​ന്ന​തെ​ന്നും ഛേത്രി​ക്കാ​യി എ​പ്പോ​ഴും ടീ​മി​ന്റെ വാ​തി​ൽ തു​റ​ന്നി​ട്ട​താ​യും ജ​മീ​ൽ പ​റ​ഞ്ഞു.

ദേ​ശീ​യ ടീ​മി​ലാ​യി​രി​ക്കെ താ​ര​ങ്ങ​ൾ​ക്കേ​ൽ​ക്കു​ന്ന പ​രി​ക്കി​നെ എ.​ഐ.​എ​ഫ്.​എ​ഫ് വ​ക​വെ​ക്കു​ന്നി​ല്ലെ​ന്നാ​ണ് ബ​ഗാ​ന്റെ പ​രാ​തി. ക​ഴി​ഞ്ഞ മാ​ർ​ച്ചി​ൽ ബം​ഗ്ലാ​ദേ​ശി​നെ​തി​രെ ന​ട​ന്ന ഏ​ഷ്യ​ൻ ക​പ്പ് യോ​ഗ്യ​ത മ​ത്സ​ര​ത്തി​ൽ പ​രി​ക്കേ​റ്റ ബ​ഗാ​ന്റെ ക്യാ​പ്റ്റ​ൻ കൂ​ടി​യാ​യ സു​ഭാ​ഷി​ഷ് ബോ​സ് ഇ​പ്പോ​ഴും ചി​കി​ത്സ​യി​ലാ​ണ്. എ​ല്ലാ സ​മ​യ​വും ത​ങ്ങ​ളു​ടെ താ​ര​ങ്ങ​ളെ ദേ​ശീ​യ ടീ​മി​ലേ​ക്കെ​ടു​ക്കു​ക​യും മൂ​ന്നോ നാ​ലോ താ​ര​ങ്ങ​ളെ പ​രി​ക്കു​മാ​യി തി​രി​ച്ചു​ന​ൽ​കു​ക​യും ചെ​യ്യു​ന്നു​വെ​ന്ന് ബ​ഗാ​ൻ മാ​നേ​ജ്മെ​ന്റ് ചൂ​ണ്ടി​ക്കാ​ട്ടു​ന്നു.