സംസ്ഥാനത്ത് ഇന്ന് 131 പേര്ക്ക് കോവിഡ്; 10 പേര്ക്ക് സമ്പര്ക്കത്തിലൂടെ
സംസ്ഥാനത്ത് ഇന്ന് 131 പേര്ക്ക് കോവിഡ് സ്ഥിരീകരിച്ചു. മലപ്പുറം ജില്ലയില് 32 പേര്ക്കും, കണ്ണൂര് ജില്ലയില് 26 പേര്ക്കും കോവിഡ് ബാധയുണ്ടായി. പാലക്കാട് ജില്ലയില് 17 പേര്ക്കും, കൊല്ലം ജില്ലയില് 12 പേര്ക്കും, എറണാകുളം ജില്ലയില് 10 പേര്ക്കും, ആലപ്പുഴ ജില്ലയില് 9 പേര്ക്കും, കാസര്ഗോഡ് ജില്ലയില് 8 പേര്ക്കും, തിരുവനന്തപുരം ജില്ലയില് 5 പേര്ക്കും, തൃശൂര്, കോഴിക്കോട് ജില്ലകളില് 4 പേര്ക്ക് വീതവും, കോട്ടയം ജില്ലയില് 3 പേര്ക്കും, പത്തനംതിട്ട ജില്ലയില് ഒരാള്ക്കുമാണ് ഇന്ന് രോഗബാധ സ്ഥിരീകരിച്ചത്.
ഇന്ന് രോഗം ബാധിച്ചവരില് 65 പേര് വിദേശത്ത് നിന്നെത്തിയവരാണ്. 46 പേര് മറ്റു സംസ്ഥാനങ്ങളില് നിന്നെത്തി. 9 സിഐഎസ്എഫുകാര്ക്കും രോഗബാധയുണ്ടായി. 10 പേര്ക്ക് സമ്പര്ക്കത്തിലൂടെയാണ് രോഗം പകര്ന്നത്. മലപ്പുറം ജില്ലയിലെ 4 പേര്ക്കും, പാലക്കാട്, കാസര്ഗോഡ് ജില്ലകളിലെ 2 പേര്ക്ക് വീതവും, ആലപ്പുഴ, കോഴിക്കോട് ജില്ലകളിലെ ഓരോരുത്തര്ക്ക് വീതവുമാണ് സമ്പര്ക്കത്തിലൂടെ രോഗം പകര്ന്നത്.
രോഗം സ്ഥിരീകരിച്ച് ചികിത്സയിലായിരുന്ന 75 പേരുടെ പരിശോധനാഫലം നെഗറ്റീവ് ആയി. 2112 പേരാണ് നിലവില് രോഗബാധിതരായി ചികിത്സയിലുള്ളത്. 2304 പേര് ഇതുവരെ കോവിഡ് മുക്തരായി. ഇന്ന് പുതുതായി 19 ഹോട്ട്സ്പോട്ടുകളാണുള്ളത്. 10 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. സംസ്ഥാനത്ത് നിലവില് 127 ഹോട്ട് സ്പോട്ടുകളാണ് ഉള്ളത്.