മനോജിന്റെ കൊലപാതകം സിബിഐയെ കൊണ്ട് അന്വേഷിപ്പിക്കണം: ബിജെപി
കേസിന്റെ അന്വേഷണം ക്രൈംബ്രാഞ്ചാണ് ഏറ്റെടുത്തിരുന്നത്. എ.ഡി.ജി.പി അനന്തകൃഷ്ണന്റെ മേൽനോട്ടത്തിലാണ് അന്വേഷണം. കണ്ണൂർ ക്രൈംബ്രാഞ്ച് ഡിവൈ എസ്.പി. കെ.വി.സന്തോഷ്കുമാർ, കോഴിക്കോട് നോർത്ത് എ.സി.പി ജോസിചെറിയാൻ, തൃശൂർ ക്രൈംബ്രാഞ്ച് ഡിവൈ. എസ്.പിയായ എം.ജെ.സോജൻ, തളിപറമ്പ് ഡിവൈ എസ്.പി: കെ.എസ്.സുദർശൻ എന്നിവരാണ് സംഘത്തിലുള്ളത്. ആർ.എം.പി നേതാവ് ടി.പി. ചന്ദ്രശേഖരനെ വധിച്ച കേസ് അന്വേഷിച്ച രീതിയിലാവും ഈകേസും അന്വേഷിക്കുക. കണ്ണൂരിൽ പ്രത്യേക ക്യാമ്പ് ഓഫിസ് തുറന്നാവും അന്വേഷണം നടത്തുക. കൊലപാതകവുമായി ബന്ധപ്പെട്ട് വിക്രമൻ, നമ്പിടി ജിതിൻ എന്നിവരെ നേരത്തെ പൊലീസ് തിരിച്ചറിഞ്ഞിരുന്നു.