മുഖ്യമന്ത്രിയുടെ ദുരിതാശ്വാസനിധിയിലേക്ക് എംപി പെന്ഷന് സംഭാവന നല്കി ഇന്നസെന്റ്
തൃശൂര്: മുന് എംപിയെന്ന നിലയില് ലഭിക്കുന്ന പെന്ഷന് മുഖ്യമന്ത്രിയുടെ ദുരിതാശ്വാസനിധിയിലേക്ക് നല്കി ഇന്നസെന്റ്. ഒരു വര്ഷത്തെ എംപി പെന്ഷനാണ് ഇന്നസെന്റ് ദുരിതാശ്വാസനിധിയിലേക്ക് നല്കിയത്. 25,000 രൂപയാണ് പ്രതിമാസം എംപിമാര്ക്ക് ലഭിക്കുന്ന പെന്ഷന്. ഒരു വര്ഷത്തെ തുകയായ 3 ലക്ഷം രൂപയുടെ ചെക്ക് തൃശൂര് ജില്ലാ കളക്ടര് എസ്.ഷാനവാസിന് ഇന്നസെന്റ് നല്കി. മുഖ്യമന്ത്രിയുടെ ദുരിതാശ്വാസ നിധിക്കെതിരെ നടക്കുന്ന നിക്ഷിപ്ത താല്പര്യക്കാരുടെ പ്രചാരണത്തെ ചെറുക്കേണ്ടത് ഓരോ മലയാളിയുടേയും കടമയാണെന്ന് ഇന്നസെന്റ് ഫെയിസ്ബുക്ക് പോസ്റ്റില് പറഞ്ഞു.
എം.പി ആയിരിക്കേ, രണ്ട് സന്ദര്ഭങ്ങളിലായി 6 മാസത്തെ ശമ്പളവും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തിരുന്നുവെന്ന് ഇന്നസെന്റ് പറഞ്ഞു. ഓഖി ദുരന്തകാലത്ത് 2 മാസത്തേയും 2018ലെ പ്രളയകാലത്ത് 4 മാസത്തേയും ശമ്പളമുള്പ്പെടെ 3 ലക്ഷം രൂപ നല്കിയെന്നാണ് ഇന്നസെന്റ് വെളിപ്പെടുത്തിയത്.
പോസ്റ്റ് വായിക്കാം
മുഖ്യമന്ത്രിയുടെ ദുരിതാശ്വാസ നിധിയിലേക്ക്
ഒരു വര്ഷത്തെ എം.പി പെന്ഷന് ഞാന് നല്കുകയാണ്.
മുന് എം.പിയെന്ന നിലയില് ലഭിക്കുന്ന ഒരു വര്ഷത്തെ പെന്ഷന് തുകയാണ് നല്കിയത്. മൂന്ന് ലക്ഷം രൂപയുടെ ചെക്ക് തൃശൂര് കലക്ടറേറ്റിലെത്തി ജില്ലാ കലക്ടര് എസ്. ഷാനവാസിന് കൈമാറി.
25000 രൂപയാണ് എനിക്ക് ലഭിക്കുന്ന പ്രതിമാസ പെന്ഷന്. ഒരു വര്ഷത്തെ പെന്ഷന് തുക പൂര്ണ്ണമായും ദുരിതബാധിതര്ക്കായി നീക്കി വെക്കുകയാണ്. മുഖ്യമന്ത്രിയുടെ ദുരിതാശ്വാസ നിധിക്കെതിരെ നടക്കുന്ന നിക്ഷിപ്ത താല്പര്യക്കാരുടെ പ്രചാരണത്തെ ചെറുക്കേണ്ടത് ഓരോ മലയാളിയുടേയും കടമയാണ്.
എം.പി ആയിരിക്കേ, രണ്ട് സന്ദര്ഭങ്ങളിലായി 6 മാസത്തെ ശമ്പളവും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തിരുന്നു. ഓഖി ദുരന്തകാലത്ത് 2 മാസത്തേയും 2018ലെ പ്രളയകാലത്ത് 4 മാസത്തേയും ശമ്പളമാണ് ഇപ്രകാരം നല്കിയത്. ഒട്ടാകെ 3 ലക്ഷം രൂപ അന്നും സംഭാവനയായി മുഖ്യമന്ത്രിയുടെ നിധിയിലേക്ക് കൈമാറി.
ഇതൊക്കെ വിളിച്ചു പറയുന്നത് ഞാന് ഇഷ്ടപ്പെടുന്നില്ല. പക്ഷേ എന്നെ ഇഷ്ടപ്പെടുന്ന ഒരാളെങ്കിലും ഇത് ആവര്ത്തിച്ചാല്, അത് അതിജീവിക്കുന്ന കേരളത്തിന് എന്തെന്നില്ലാത്ത സഹായമാകും. ഒപ്പം ഈ ദുരിതാശ്വാസനിധിയെക്കുറിച്ച് നിക്ഷിപ്ത താല്പര്യക്കാര് നടത്തുന്ന പ്രചാരണത്തെ നേരിടേണ്ടതുണ്ടെന്നും ഞാന് കരുതുന്നു.
സി.എം. ഡി.ആര്.എഫ് ഏറ്റവും കാര്യക്ഷമമായി കൈകാര്യം ചെയ്യുന്നതാണെന്നും ഓരോ മലയാളിയും ഇതിന്റെ ഗുണഭോക്താവാണെന്നും നാം മറന്നു കൂടാ.
കെ.വി.അബ്ദുള് ഖാദര് എം.എല്.എയും ചടങ്ങില് പങ്കെടുത്തു.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു വർഷത്തെ എം.പി പെൻഷൻ ഞാൻ നൽകുകയാണ്.മുൻ എം.പിയെന്ന നിലയിൽ ലഭിക്കുന്ന ഒരു…
Posted by Innocent on Tuesday, August 13, 2019