ദിലീപിനെ തിരിച്ചെടുത്ത നടപടി; അമ്മക്കെതിരെ ചോദ്യങ്ങളുന്നയിച്ച് വനിതാ സംഘടന
ഞായറാഴ്ച നടന്ന അമ്മ ജനറല് ബോഡിയില് ദിലീപിനെ തിരിച്ചെടുക്കാന് തീരുമാനിച്ച നടപടിക്കെതിരെ വിമന് ഇന് സിനിമ കളക്ടീവ്. അമ്മയുടെ സ്ത്രീവിരുദ്ധമായ തീരുമാനത്തെ അപലപിക്കുന്നുവെന്ന് തുറന്നടിച്ചുകൊണ്ട് അമ്മയോട് ചോദ്യങ്ങള് ഉന്നയിക്കുകയാണ് വനിതാ സംഘടന. ഫെയിസ്ബുക്ക് പേജിലാണ് സംഘടന അമ്മയ്ക്കെതിരെ രംഗത്തെത്തിയിരിക്കുന്നത്. ഇന്നലെ നടന്ന അമ്മ ജനറല് ബോഡി യോഗത്തില് നിന്ന് സംഘടനാ പ്രതിനിധികള് വിട്ടുനിന്നിരുന്നു.
ദിലീപിനെ തിരിച്ചെടുക്കാന് അമ്മയുടെ നറല് ബോഡി തീരുമാനിച്ചതായി വാര്ത്താ മാധ്യമങ്ങളില് നിന്ന് അറിഞ്ഞു. അത് ശിരിയാണെങ്കില് ചില ചോദ്യങ്ങള് ചോദിക്കാന് ആഗ്രഹിക്കുന്നുവെന്ന് പറഞ്ഞാ് പോസ്റ്റ് ആരംഭിക്കുന്നത്. ദിലീപിനെ പുറത്താക്കിയത് എന്തിനായിരുന്നുവെന്നും സംഘടനയിലേക്ക് ഇപ്പോള് തിരിച്ചെടുക്കുവാന് തീരുമാനിക്കുമ്പോള് നേരത്തേ ഉണ്ടായിരുന്നതില് നിന്ന് വ്യത്യസ്തമായി എന്തു പുതിയ സാഹചര്യമാണ് ഉണ്ടായിട്ടുള്ളതെന്നും ബലാല്സംഗം പോലുള്ള ഒരു കുറ്റകൃത്യത്തില് ആരോപിതനായ വ്യക്തിയെ ആണ് വിചാരണ പോലും പൂര്ത്തിയാവുന്നതിനു മുമ്പ് നിങ്ങള് തിരിച്ചെടുക്കുന്നത്. അതില് നിങ്ങള്ക്ക് യാതൊരു അപാകതയും തോന്നുന്നില്ലേയെന്നുമൊക്കെയാണ് ചോദ്യങ്ങള്.
പോസ്റ്റ് വായിക്കാം
ദിലീപിനെ സംഘടനയിലേക്ക് തിരിച്ചെടുക്കാന് അമ്മയുടെ ജനറല് ബോഡി തീരുമാനിച്ചതായി വാര്ത്താ മാധ്യമങ്ങളില് നിന്ന് അറിഞ്ഞു. അത് ശരിയാണെങ്കില്
വിമെന് ഇന് സിനിമാ കളക്ടീവ് ചില കാര്യങ്ങള് ചോദിക്കാന് ആഗ്രഹിക്കുന്നു.
1,അമ്മ സംഘടന എന്തിനായിരുന്നു ദിലീപ് എന്ന നടനെ പുറത്താക്കിയത്?
2. സംഘടനയിലേക്ക് ഇപ്പോള് തിരിച്ചെടുക്കുവാന് തീരുമാനിക്കുമ്പോള് നേരത്തേ ഉണ്ടായിരുന്നതില് നിന്ന് വ്യത്യസ്തമായി എന്തു പുതിയ സാഹചര്യമാണ് ഉണ്ടായിട്ടുള്ളത്?
3. ബലാല്സംഗം പോലുള്ള ഒരു കുറ്റകൃത്യത്തില് ആരോപിതനായ വ്യക്തിയെ ആണ് വിചാരണ പോലും പൂര്ത്തിയാവുന്നതിനു മുമ്പ് നിങ്ങള് തിരിച്ചെടുക്കുന്നത്. അതില് നിങ്ങള്ക്ക് യാതൊരു അപാകതയും തോന്നുന്നില്ലെ?
4. അതിക്രമത്തെ അതിജീവിച്ച ആളും ഈ സംഘടനയുടെ തന്നെ അംഗമല്ലെ ?
5. ഇപ്പോള് എടുത്ത ഈ തീരുമാനം വഴി അതിക്രമത്തെ അതിജീവിച്ചവളെ വീണ്ടും അപമാനിക്കുകയല്ലെ നിങ്ങള് ചെയ്യുന്നത്?
6. ഒരു ജനാധിപത്യ സംഘടന എന്ന നിലയില് ഇപ്പോള് എടുത്ത തീരുമാനം എന്തു തരത്തിലുള്ള സന്ദേശമാണ് കേരള സമൂഹത്തിനു നല്കുക?
7. വിചാരണാ ഘട്ടത്തിലുള്ള ഒരു കേസില് ഉള്പ്പെട്ട വ്യക്തിയെ സംബന്ധിച്ചുള്ള ഇത്തരം തീരുമാനങ്ങള് ഈ നാട്ടിലെ നിയമ നീതിന്യായ സംവിധാനങ്ങളോടുള്ള വെല്ലുവിളിയല്ലെ?
നിങ്ങളുടെ തികച്ചും സ്ത്രീവിരുദ്ധമായ തീരുമാനത്തെ ഞങ്ങള് അപലപിക്കുന്നു. WCC അവള്ക്കൊപ്പം
ദിലീപിനെ സംഘടനയിലേക്ക് തിരിച്ചെടുക്കാൻ അമ്മയുടെ ജനറൽ ബോഡി തീരുമാനിച്ചതായി വാർത്താ മാധ്യമങ്ങളിൽ നിന്ന് അറിഞ്ഞു. അത്…
Posted by Women in Cinema Collective on Monday, June 25, 2018