ബേബിയിലെ രണ്ടാം ഗാനം.

സ്‌പെഷ്യൻ 26 എന്ന ചിത്രത്തിന് ശേഷം നീരജ് പാണ്ഡ്യ സംവിധാനം ചെയ്യുന്ന ചിത്രം ബേബിയിലെ രണ്ടാം ഗാനം ബേപ്പർവ്വ പുറത്തിറങ്ങി. മനോജ് മുൻതാഷീറിന്റെ വരികൾക്ക് മീറ്റ് ബ്രോസ് അഞ്ചാനും അപേക്ഷ ഡണ്ടേക്കറും ചേർന്ന് പാടിയിരിക്കുന്ന ഗാനത്തിന് ഈണം പകർന്നിരിക്കുന്നത് മീറ്റ് ബ്രോസ് അഞ്ചാനാണ്.

ആദ്യ ചിത്രമായ ദ വെനസ്‌ഡേയിലൂടെ തന്നെ ശ്രദ്ധേയനായ സംവിധായകൻ നീരജ് പാണ്ഡ്യ സംവിധാനം ചെയ്യുന്ന മൂന്നാമത്തെ ചിത്രമാണ് ബേബി. സ്‌പെഷ്യൽ 26ന് ശേഷം നീരജ് പാണ്ഡ്യയും അക്ഷയ് കുമാറും ഒന്നിക്കുന്ന ചിത്രം കൂടിയായ ബേബിയുടെ കഥയും തിരക്കഥയും തയ്യാറാക്കിയിരിക്കുന്നത് നീരജ് പാണ്ഡ്യ തന്നെയാണ്.

അക്ഷയ് കുമാറിനെ കൂടാതെ തപ്‌സി പന്നു, റാണ ഡാഗുഭട്ടി, അനുപം ഖേർ, കെ കെ മേനോൻ, ഡാനി ഡെൻസോങ്പാ, മധുരിമ തുലി, റഷീദ് നാസ്, മികാൽ സുൽഫിക്കർ, സുശാന്ത് സിങ്, കരൺ വാഹി തുടങ്ങിയവരും അഭിനയിക്കുന്നുണ്ട്.  ടി സീരിസ്, ക്രോച്ചിങ് ടൈഗർ, കേപ് ഓഫ് ഗുഡ് ഫിലിംസ്, ്രൈഫഡേ ഫിലിംവർക്‌സ് എന്നിവയുടെ ബാനറിൽ ഭൂഷൺ കുമാർ, കൃഷ്ണ കുമാർ, ശീതൾ ഭാട്ടിയ തുടങ്ങിയവർ ചേർന്ന് നിർമ്മിക്കുന്ന ചിത്രം ജനുവരി 23 ന് തീയേറ്ററിലെത്തും.