മാളില് നടിക്കെതിരായ അതിക്രമം; പ്രതികളെ തിരിച്ചറിഞ്ഞതായി പോലീസ്
കൊച്ചി: ഷോപ്പിംഗ് മാളില് നടിയെ ആക്രമിച്ച സംഭവത്തിലെ പ്രതികളെ തിരിച്ചറിഞ്ഞതായി പോലീസ്. മാളിലെ സിസിടിവി ദൃശ്യങ്ങള്‍ പരിശോധിച്ച ശേഷമാണ് കളമശേരി പോലീസ് ഇക്കാര്യം വ്യക്തമാക്കിയത്. ദൃശ്യങ്ങളില്‍ രണ്ട് യുവാക്കളെയാണ് കാണുന്നത്. നടിയോട് ഇവര്‍ സംസാരിക്കാന്‍ ശ്രമിക്കുന്നത് വ്യക്തമാണ്. ഇവര്‍ തന്നെയാണ് നടിയെ പിന്തുടര്‍ന്ന് ആക്രമിച്ചതെന്നും പോലീസ് അറിയിച്ചു.
മാളില് വെച്ച് ആക്രമണത്തിന് ഇരയായെന്ന നടിയുടെ സോഷ്യല്‍ മീഡിയ വെളിപ്പടുത്തലിന് പിന്നാലെ പോലീസ് സ്വമേധയാ കേസെടുത്തിരുന്നു. അന്വേഷണത്തിന്റെ ഭാഗമായാണ് സിസിടിവി ദൃശ്യങ്ങള്‍ പരിശോധിച്ചത്. വനിതാ കമ്മീഷനും സംഭവത്തില്‍ കേസെടുത്തു. സംഭവത്തില്‍ പോലീസ് നടിയുടെ മൊഴിയെടുക്കും. ഷോപ്പിംഗ് മാൡ വെച്ച് രണ്ട് യുവാക്കള്‍ നടത്തിയ അതിക്രമത്തെ കുറിച്ച് സോഷ്യല്‍ മീഡിയയിലൂടെയാണ് നടി വെളിപ്പെടുത്തിയത്.
യുവാക്കള്‍ പിന്നാലെയെത്തി ശരീരത്തില്‍ സ്പര്‍ശിച്ച ശേഷം കടന്നുകളഞ്ഞുവെന്നും പിന്നീട് ഹൈപ്പര്‍ മാര്‍ക്കറ്റിലും പിന്തുടര്‍ന്നെത്തി അപമാനിക്കാന്‍ ശ്രമിച്ചുവെന്നുമായിരുന്നു വെളിപ്പെടുത്തല്‍. കുടുംബത്തോടൊപ്പം എത്തിയപ്പോഴാണ് ഇത്തരം അനുഭവമുണ്ടായത്. തന്റെ സഹോദരിയും ഈ അതിക്രമം കണ്ടു. അപ്രതീക്ഷിതമായുണ്ടായ സംഭവത്തില്‍ താന്‍ ഞെട്ടിപ്പോയി. ആ സമയത്ത് പ്രതികരിക്കാന്‍ സാധിച്ചില്ലെന്നും നടി പറഞ്ഞു.
