ഒരുമയ്‌ക്കെതിരായ നീക്കങ്ങള്‍ നിരുത്സാഹപ്പെടുത്തണം; പൗരത്വ നിയമ ഭേദഗതിയില് പ്രതികരിച്ച് മമ്മൂട്ടി
പൗരത്വ നിയമ ഭേദഗതിയില് പ്രതികരണവുമായി മമ്മൂട്ടി. ഫെയിസ്ബുക്ക് പോസ്റ്റിലാണ് പ്രതികരണം. ജാതി, മതം, വിശ്വാസം തുടങ്ങിയ പരിഗണനകള്‍ക്ക് അപ്പുറം ഉയര്‍ന്നാല്‍ മാത്രമേ നമുക്ക് ഒരു രാഷ്ട്രം എന്ന നിലയില്‍ മുന്നോട്ടു പോകാന്‍ സാധിക്കൂ. അത്തരം ഒരുമയ്‌ക്കെതിരായുണ്ടാകുന്ന ഏത് നീക്കത്തെയും നിരുത്സാഹപ്പെടുത്തണമെന്ന് മമ്മൂട്ടി കുറിച്ചു.
നിരവധി ചലച്ചിത്ര പ്രവര്‍ത്തകര്‍ പൗരത്വ നിയമ ഭേദഗതിക്കെതിരെ പ്രതികരണവുമായി രംഗത്തെത്തിയിരുന്നു. പാര്‍വതി തിരുവോത്ത്, പൃഥ്വിരാജ്, ഇന്ദ്രജിത്ത്, കുഞ്ചാക്കോ ബോബന്‍, സുരാജ് വെഞ്ഞാറമൂട്, സണ്ണി വെയ്ന്‍, ദുല്‍ഖര്‍ സല്‍മാന്‍, ലിജോ ജോസ് പെല്ലിശേരി തുടങ്ങിയവര്‍ പ്രതിഷേധം അറിയിച്ചു. എന്നാല്‍ മലയാളത്തിലെ സൂപ്പര്‍ താരങ്ങളായ മമ്മൂട്ടിയുടെയും മോഹന്‍ലാലിന്റെയും പ്രതികരണം ഉണ്ടായില്ലെന്ന് സോഷ്യല്‍ മീഡിയ പരാതിപ്പെട്ടിരുന്നു.
മറ്റ് അഭിനേതാക്കള്‍ പ്രതികരിച്ചപ്പോള്‍ സൂപ്പര്‍താരങ്ങള്‍ തങ്ങളുടെ സിനിമകളുടെ പ്രമോഷന് വേണ്ടി സമയം മാറ്റിവെച്ചുവെന്ന വിമര്‍ശനവും ഉയര്‍ന്നിരുന്നു. ഇതിനൊടുവിലാണ് മമ്മൂട്ടി പ്രതികരണവുമായി എത്തിയിരിക്കുന്നത്.
പോസ്റ്റ് കാണാം
We can forge ahead as a nation only when we rise above caste, creed, religion and other considerations. Anything against such a spirit of togetherness is to be discouraged.
Posted by Mammootty on Tuesday, December 17, 2019
