ജെ.സി.ഡാനിയേല് അവാര്ഡ് സംവിധായകന് ഹരിഹരന്
ഈ വര്ഷത്തെ ജെ.സി.ഡാനിയേല് അവാര്ഡ് സംവിധായകന് ഹരിഹരന്.
| Nov 3, 2020, 17:42 IST
തിരുവനന്തപുരം: ഈ വര്ഷത്തെ ജെ.സി.ഡാനിയേല് അവാര്ഡ് സംവിധായകന് ഹരിഹരന്. മലയാള സിനിമയ്ക്ക് നല്‍കിയ സമഗ്ര സംഭാവനയ്ക്കാണ് സംസ്ഥാന സര്‍ക്കാരിന്റെ പരമോന്നത ചലച്ചിത്ര പുരസ്‌കാരം ഹരിഹരന് ലഭിച്ചത്.
അഞ്ച് ലക്ഷം രൂപയും ശില്‍പ്പവും പ്രശസ്തി പത്രവുമടങ്ങുന്നതാണ് പുരസ്‌കാരം. എം.ടി വാസുദേവന്‍ നായര്‍ അധ്യക്ഷനായ സിമിതിയാണ് പുരസ്‌കാര ജേതാവിനെ തിരഞ്ഞെടുത്തത്. 1973ല്‍ പുറത്തു വന്ന ലേഡീസ് ഹോസ്റ്റല്‍ മുതല്‍ 2013ല്‍ റിലീസായ ഏഴാമത്തെ വരവ് വരെ 50ലേറെ ചിത്രങ്ങള്‍ ഹരിഹരന് സംവിധാനം ചെയ്തിട്ടുണ്ട്.
ശരപഞ്ജരം, പഞ്ചാഗ്നി, നഖക്ഷതങ്ങള്‍, അമൃതം ഗമയ, ആരണ്യകം, ഒരു വടക്കന്‍ വീരഗാഥ, സര്‍ഗ്ഗം, പരിണയം, കേരളവര്‍മ്മ പഴശ്ശിരാജ തുടങ്ങി മലയാളത്തിലെ നിരവധി ഹിറ്റുകളുടെ സംവിധായകനാണ് അദ്ദേഹം. എം.ടിയുടെ തിരക്കഥയില്‍ പതിനൊന്നോളം ചിത്രങ്ങളുടെ സംവിധാനം നിര്‍വഹിച്ചിട്ടുണ്ട്.
