‘എല്ലാ പെണ്കുട്ടികളും ഇതുപോലൊരു അമ്മയെ അര്ഹിക്കുന്നുണ്ട്’; വൈറലായി നടി മറീന മൈക്കിള് കുരിശിങ്കലിന്റെ കുറിപ്പ്
കൊച്ചി: മലയാള സിനിമയിലെ യുവനടിമാരില് ശ്രദ്ധേയമായ സാന്നിധ്യമാണ് മറീന മൈക്കിള് കുരിശിങ്കല്. സെലിബ്രറ്റി മുഖത്തിലേക്ക് താനെത്തിയതിന് പിന്നില് അമ്മയുടെ കരുതലും സ്നേഹവും കഠിനാദ്ധ്വാനവുമുണ്ടെന്ന് വ്യക്തമാക്കുന്ന മറീനയുടെ സോഷ്യല് മീഡിയ കുറിപ്പ് വൈറലായിരിക്കുകയാണ്. താനൊരു തയ്യല്ക്കാരിയുടെ മകളാണെന്നും അമ്മയുടെ അദ്ധ്വാനിച്ചാണ് തന്നെ വളര്ത്തിയതെന്നും മറീന പറയുന്നു. കുറിപ്പ് സോഷ്യല് മീഡിയ ഏറ്റെടുത്തു കഴിഞ്ഞു. നിരവധി പേരാണ് മറീനയെ അഭിനന്ദിച്ച് രംഗത്ത് വന്നിരിക്കുന്നത്.
അമ്മയുടെ ചിത്രവും മറീന കുറിപ്പിനൊപ്പം ചേര്ത്തിട്ടുണ്ട്. തോല്ക്കുന്നെങ്കില് തോറ്റു പോവട്ടെ, പക്ഷേ, അഭിമാനം നഷ്ടപ്പെടുത്തരുതെന്നാണ് അമ്മ പഠിപ്പിച്ചിട്ടുള്ളത്. എല്ലാ പെണ്കുട്ടികളും ഇതുപോലൊരു അമ്മയെ അര്ഹിക്കുന്നുണ്ട്. അമ്മ ഒരു പോരാളിയായിരുന്നു. ഇപ്പോഴും അങ്ങനെ തന്നെ!’ മറീന ഇന്സ്റ്റാഗ്രാമില് കുറിച്ചു.
‘എനിക്ക് പണി കുറഞ്ഞപ്പോള് എന്റെ അമ്മക്ക് വീണ്ടും പണി ആയി. അമ്മയൊരു തയ്യല്ക്കട തുറക്കാന് പോവുകയാണ്. എല്ലാവരുടെയും പ്രാര്ത്ഥന വേണം. സ്വന്തം മകളെ വളര്ത്താന് അനുഭവിച്ച കഷ്ടപ്പാടുകളാണ് ആ കണ്ണുകള്ക്ക് താഴെ കാണുന്ന കറുപ്പ് അടയാളപ്പെടുത്തുന്നത്. രാത്രി ഉറക്കമിളച്ച് ഇരുന്ന് നാട്ടുകാരുടെ വസ്ത്രങ്ങള് തയ്ച്ചു കൊടുത്തപ്പോള് കിട്ടിയ സമ്മാനമാണത് അത്. ഞാന് വലിയ കുടുംബത്തില് നിന്നുള്ള തോന്ന്യാസക്കാരിയായ പെണ്കുട്ടിയാണെന്ന് ചിന്തിക്കുന്നവര് ശ്രദ്ധിക്കുക. ഞാന് അങ്ങനെയല്ല. തോല്ക്കുന്നെങ്കില് തോറ്റു പോവട്ടെ, പക്ഷേ, അഭിമാനം നഷ്ടപ്പെടുത്തരുതെന്നാണ് അമ്മ പഠിപ്പിച്ചിട്ടുള്ളത്. എല്ലാ പെണ്കുട്ടികളും ഇതുപോലൊരു അമ്മയെ അര്ഹിക്കുന്നുണ്ട്. അമ്മ ഒരു പോരാളിയായിരുന്നു… ഇപ്പോഴും അങ്ങനെ തന്നെ!’ മറീന ഇന്സ്റ്റാഗ്രാമില് കുറിച്ചു.
