സൗന്ദര്യം കുറവായതിനാല് ഒരു വിഭാഗം എന്റെ സിനിമകള് കാണുന്നില്ല; സന്തോഷ് പണ്ഡിറ്റ്
കൊച്ചി: തനിക്ക് സൗന്ദര്യം കുറവായതിനാല് ഒരു വിഭാഗം എന്റെ സിനിമകള് കാണുന്നില്ലെന്ന് സന്തോഷ് പണ്ഡിറ്റ്. ഫെയിസ്ബുക്കിലെഴുതിയ കുറിപ്പിലാണ് അദ്ദേഹം ഇക്കാര്യം വ്യക്തമാക്കിയിരിക്കുന്നത്. വലിയ ബഡ്ജറ്റ് മുടക്കാത്തതു കൊണ്ടും താരതമ്യേന എനിക്ക് സൗന്ദര്യം കുറവായതു കൊണ്ടും ഞാനൊരു കോടീശ്വരന് അല്ലാത്തതു കൊണ്ടും ആകണം ഒരു വിഭാഗം മലയാളികള് എന്റെ സിനിമ കാണുന്നില്ലെന്ന് അദ്ദേഹം ഫെയിസ്ബുക്കില് കുറിച്ചു.
സന്തോഷ് പണ്ഡിറ്റിന്റെ കുറിപ്പിന്റെ പൂര്ണരൂപം
ഞാന് വെറും 5 ലക്ഷം ബഡ്ജറ്റില് ചെയ്തിരുന്ന സിനിമ ആയിരുന്നെ ‘ഉരുക്ക് സതീശ9’. കഴിഞ്ഞ ജൂണില് റിലീസായി. ആവറേജില് ഒതുങ്ങി.ര്
വലിയ ബഡ്ജറ്റ് മുടക്കാത്തതു കൊണ്ടും താരതമ്യേന എനിക്ക് സൗന്ദര്യം കുറവായതു കൊണ്ടും ഞാനൊരു കോടീശ്വരന് അല്ലാത്തതു കൊണ്ടും ആകണം ഒരു വിഭാഗം മലയാളികള് എന്റെ സിനിമ കാണുന്നില്ല. യഥാര്ത്ഥത്തില് 100ലധികം പുതുമുഖങ്ങളെ അണിനിരത്തി 8 ഗാനങ്ങളും നിരവധി സംഘട്ടനങ്ങളും ഇഷ്ടം മാതിരി പഞ്ച് ഡയലോഗുകളും, 108 സീനുകളും ഉള്ള സിനിമയായിരുന്നു ഉരുക്ക് സതീശന്.
”ഞാന് സുന്ദരനല്ലാത്തതിനാല് ഒരു വിഭാഗം എന്റെ സിനിമ കാണുന്നില്ല”: സന്തോഷ് പണ്ഡിറ്റ്
കേരളത്തോടൊപ്പം ബാംഗ്ലൂര്, മൈസൂര്, രാജസ്ഥാന്, മഹാരാഷ്ട്ര എന്നിവിടങ്ങളില് വെച്ചായിരുന്നു ഷൂട്ടിങ്. ഭുരിഭാഗം ജോലിയും ഞാന് ഒറ്റക്ക് ചെയ്യുന്നു എന്ന ദേഷ്യത്തിലും അസൂയ കൊണ്ടും പല വിമര്ശകരും ഞാന് ചെയ്തതെന്ത് എന്ന് കാണാറില്ല. എന്നാലോ കാണാത്ത സിനിമയെ കുറിച്ച് കണ്ണുപൊട്ടന് ആനയെ വിലയിരുത്തും പോലെ അഭിപ്രായങ്ങളും പറയും.
എനിക്കാരോടും പരിഭവമോ, ഇതാലോചിച്ച് വിഷമവും ഇല്ല.. എല്ലാം ഭാവിയില് ശരിയാകും എന്നും വിശ്വസിക്കുന്നു.. എങ്കിലും കണ്ടവരെല്ലാം വളരെ ഹാപ്പിയായ് എന്നറിയുവാന് കഴിഞ്ഞു.. സന്തോഷം.. നല്ല ഫീഡും തന്നു.. ഗാനങ്ങളും നല്ല അഭിപ്രായം നേടി..
”ഞാന് സുന്ദരനല്ലാത്തതിനാല് ഒരു വിഭാഗം എന്റെ സിനിമ കാണുന്നില്ല”: സന്തോഷ് പണ്ഡിറ്റ്
ചെറിയ ബഡ്ജറ്റില് നിര്മ്മിക്കുന്നതിനാല് ഇന്നേവരെ എന്റെ ഒരു സിനിമയും പരാജയപ്പെട്ടില്ല. അഞ്ചിരട്ടിയോളമൊക്കെ കൂളായി ലാഭവും കിട്ടുന്നു.. അതാണ് ഞാനെപ്പോഴും കൂളായി ശാന്തിയോടും, സമാധാനത്തോടെയും ഇരിക്കുന്നെ..
