ബോട്ടില് കപ്പലിടിച്ച് മരിച്ചവര്ക്ക് രണ്ട് ലക്ഷം രൂപ വീതം അടിയന്തരമായി അനുവദിക്കുമെന്ന് മുഖ്യമന്ത്രി
തിരുവനന്തപുരം: കൊച്ചിയില് മത്സ്യബന്ധന ബോട്ടില് കപ്പലിടിച്ച് മരിച്ച മത്സ്യത്തൊഴിലാളികളുടെ കുടുംബങ്ങള്ക്ക് 2 ലക്ഷം രൂപ വീതം അടിയന്തരമായി അനുവദിക്കുമെന്ന് മുഖ്യമന്ത്രി. തൊഴില് വകുപ്പിന് കീഴിലുള്ള കുടിയേറ്റ തൊഴിലാളി ക്ഷേമ പദ്ധതിയില് നിന്നാണ് തുക അനുവദിക്കുക. ഈ പദ്ധതിയില് രജിസ്റ്റര് ചെയ്ത തൊഴിലാളികള്ക്കാണ് സാധാരണ നിലയില് ആനുകൂല്യത്തിന് അര്ഹത. എന്നാല്, ഈ ദാരുണ സംഭവത്തില് മരിച്ചവരുടെ കാര്യത്തില് പ്രത്യേക ഇളവ് നല്കി തുക അനുവദിക്കാന് തൊഴില് വകുപ്പിന് നിര്ദേശം നല്കിയെന്ന് ഫേസ്ബുക്ക് പോസ്റ്റില് മുഖ്യമന്ത്രി പറഞ്ഞു.
സംഭവത്തെ കുറിച്ച് ഫലപ്രദമായ അന്വേഷണം നടത്തി നടപടിയെടുക്കാന് പൊലീസിന് നിര്ദേശം നല്കിയിട്ടുണ്ട്. കടലില് പോകുന്ന മത്സ്യതൊഴിലാളികളുടെ സുരക്ഷയുടെ കാര്യത്തില് ജാഗ്രത പുലര്ത്താന് കോസ്റ്റല് പോലീസ്, ഫിഷറീസ് വകുപ്പ് എന്നിവര്ക്കും നിര്ദേശം നല്കിയെന്നും മുഖ്യമന്ത്രി വ്യക്തമാക്കി.