അമിത്ഷായുടെ മോഹം ഈ നാട്ടില് വിലപ്പോവില്ല; ബിജെപി അധ്യക്ഷന്റെ സന്ദര്‍ശനത്തില്‍ കോടിയേരി
പാര്ലമെന്റ് ഇലക്ഷനില് കേരളം പിടിക്കുമെന്ന് പറയാന് വന്നിരിക്കുന്ന ബിജെപി അധ്യക്ഷന് അമിത്ഷായുടെ മോഹം വിലപ്പോവില്ലെന്ന് കോടിയേരി. ഫേസ്ബുക്ക് പോസ്റ്റിലാണ് സിപിഎം സംസ്ഥാന സെക്രട്ടറിയുടെ പ്രതികരണം. കഴിഞ്ഞ നിയമസഭാ തെരഞ്ഞെടുപ്പ് വേളയില് എഴുപത് പ്ലസ് സീറ്റുകള് നേടി കേരളം പിടിക്കുമെന്ന് പറഞ്ഞ് പോയ ആളാണ് അമിത്ഷാ. ഇപ്പോള് വരുന്ന് പാര്ലമെന്റ് തെരഞ്ഞെടുപ്പില് കേരളം പിടിക്കുമെന്ന് പറയാനാണ് വന്നിരിക്കുന്നത്. അമിത്ഷായുടെ മോഹം ഈ നാട്ടില് വിലപ്പോവില്ലെന്ന് കോടിയേരി വ്യക്തമാക്കി.
ന്യൂനപക്ഷ വിഭാഗങ്ങളെ എന്‍ ഡി എയുടെ ഭാഗമാക്കാനായി വരുന്ന അമിത് ഷായുടെ കൈയ്യിലുള്ള കേന്ദ്രത്തിന്റെ പുതിയ വിജ്ഞാപനം രാജ്യത്ത് സൃഷ്ടിച്ച പ്രതിസന്ധി വിവരണാതീതമാണ്. ഇതിനെ മറികടക്കാന്‍ കോര്‍പ്പറേറ്റുകളില്‍ നിന്ന് പണം വ്യാപകമായി പിരിക്കുകയാണ്. കോര്‍പ്പറേറ്റുകളില്‍ നിന്നും ശേഖരിച്ച 1200 കോടി രൂപ കേരളത്തില്‍ ഒഴുക്കിക്കൊണ്ട് സംഘപരിവാരത്തിന് അടിത്തറ കെട്ടാനാണ് അമിത് ഷായുടെ ശ്രമം. ബി ജെ പിയുടെ ഇത്തരം നീക്കങ്ങളെ കോണ്‍ഗ്രസ് കണ്ടില്ലെന്ന് നടിക്കുകയാണ്.
കേരളത്തിലെ എല്‍ ഡി എഫ് സര്‍ക്കാര്‍ കേന്ദ്ര സര്‍ക്കാരിന്റെ പുതിയ വിജ്ഞാപനം ജനങ്ങളോടും ഭരണഘടനയോടുമുള്ള വെല്ലുവിളി ആയതുകൊണ്ട് പ്രത്യേക നിയമസഭാ സമ്മേളനം വിളിച്ചുകൂട്ടുകയാണ്. എന്തുകൊണ്ട് കോണ്‍ഗ്രസ് ഭരിക്കുന്ന സംസ്ഥാനങ്ങള്‍ ഈ സമീപനം സ്വീകരിക്കുന്നില്ല? ജനങ്ങള്‍ മറുപടി ആഗ്രഹിക്കുന്നുണ്ടെന്ന് കോടിയേരി പോസ്റ്റില്‍ പറയുന്നു.
