താക്കോല് തന്ത്രിയുടെ കോന്തലയില്‍; മുഖ്യമന്ത്രിയെ വെല്ലുവിളിച്ച് രാഹുല് ഈശ്വര്; വീഡിയോ
താക്കോല് മുഖ്യമന്ത്രിയുടെയും ദേവസ്വം മന്ത്രിയുടെയും കോന്തലയിലല്ലെന്നും തന്ത്രിയുടെ കോന്തലയിലാണെന്നും രാഹുല് ഈശ്വര്. ഫെയിസ്ബുക്ക് ലൈവിലാണ് മുഖ്യമന്ത്രിയെ വെല്ലുവിളിച്ചുകൊണ്ട് രാഹുല് ഈശ്വറിന്റെ പരാമര്ശം. ശബരിമലയില് ആചാര ലംഘനമുണ്ടായാല് നട അടയ്ക്കുമെന്ന് തന്ത്രി നേരത്തേ പറഞ്ഞിരുന്നു. ഇപ്പോള് ആചാരലംഘനമുണ്ടായപ്പോള് തന്ത്രി നട അടച്ചു. ശുദ്ധികലശം ഉള്പ്പെടെ നടത്തി ആവശ്യമുള്ള പരിഹാരക്രിയകളും നിര്വഹിച്ചു. തന്ത്രിക്ക് നട അടയ്ക്കാന് ആരുടെയും അനുവാദം വേണ്ട. ആചാരലംഘനമുണ്ടായാല് നട അടക്കുമെന്ന് പറഞ്ഞാല് അടച്ചിരിക്കുമെന്നും രാഹുല് പറഞ്ഞു.
| Jan 2, 2019, 17:53 IST
കൊച്ചി: മുഖ്യമന്ത്രിയുടെയും സിപിഎമ്മിന്റെയും ഒത്താശയോടെയാണ് ശബരിമലയില് യുവതികളെ പ്രവേശിപ്പിച്ചതെന്നും മുഖ്യമന്ത്രി ഹിന്ദുക്കളെ വഞ്ചിച്ചെന്നുമാണ് രാഹുല് ആരോപിക്കുന്നത്. വിശ്വാസികളെ തെറ്റിധരിപ്പിച്ചാണ് രാത്രിയില്‍ യുവതികളെ പോലീസ് മല കയറ്റിയത്. ട്രാന്‍സ്‌ജെന്‍ഡേഴ്‌സ് എന്നാണ് ചോദിച്ചവരോട് പറഞ്ഞത്. മുഖ്യമന്ത്രിയുടെ അനുമതിയോടെയാണ് ദേവസ്വം ബോര്‍ഡ് സാവകാശഹര്‍ജി സമര്‍പ്പിച്ചത്. എന്നിട്ടും പോലീസും സര്‍ക്കാരും യുവതീപ്രവേശനത്തിന് ഒത്താശ ചെയ്തു.
പ്രധാനമന്ത്രിയടക്കം ശബരിമല വിഷയത്തില്‍ കഴിഞ്ഞദിവസം അഭിപ്രായമറിയിച്ചിരുന്നു. ഇതിനിടെയാണ് യുവതികളെ പ്രവേശിപ്പിച്ചത്. എന്നാല്‍ ഇതൊന്നും ജനുവരി 22ന് നടക്കുന്ന കേസിനെ ബാധിക്കില്ലെന്നാണ് വിശ്വാസമെന്നും ലൈവില്‍ രാഹുല് ഈശ്വര് പറഞ്ഞു.
Posted by Rahul Easwar on Wednesday, January 2, 2019
