സിപിഎം പ്രവര്‍ത്തകനെ കൊന്നത് ഭീകരപ്രവര്‍ത്തനമായി കാണണമെന്ന് വി.ടി ബല്റാം; ആര്‍.എസ്.എസ് നേതാക്കളെ അറസ്റ്റ് ചെയ്യണം
കൊച്ചി: കാസര്കോട് ഉപ്പളയില് സിപിഎം പ്രവര്ത്തകന് കൊല്ലപ്പെട്ട സംഭവത്തില് ശക്തമായ പോലീസ് നടപടികള് ഉണ്ടാകണമെന്ന് കോണ്ഗ്രസ് എം.എല്.എ വി.ടി.ബല്റാം. മഹാരാജാസിലെ അഭിമന്യുവിന്റെ ഏതാണ്ട് അതേ പ്രായമുള്ള വ്യക്തിയാണ് കൊല്ലപ്പെട്ടിരിക്കുന്നത്. പെട്ടെന്നുണ്ടായ കശപിശയും സംഘര്ഷവുമല്ല, ആസൂത്രിതമായ കൊലപാതകം തന്നെയാണ് ഇവിടെയും നടന്നിരിക്കുന്നത്. അതിനാല് ശക്തമായ പോലീസ് നടപടികള് ഉണ്ടാകണം. ഭീകരപ്രവര്ത്തനമായിത്തന്നെ ഇതിനെ കാണണമെന്നും വി.ടി ഫെയിസ്ബുക്കില് കുറിച്ചു.
അഭിമന്യു കൊല്ലപ്പെട്ട സംഭവത്തിന് സമാന രീതിയില്‍ ആര്‍.എസ്.എസ് കാര്യാലയങ്ങള്‍ റെയ്ഡ് ചെയ്യണമെന്നും നേതാക്കന്മാരെ അറസ്റ്റ് ചെയ്ത് ചോദ്യം ചെയ്യണമെന്നും ബല്റാം ആവശ്യപ്പെട്ടു. സര്‍ക്കാര്‍ അര്‍ജ്ജവത്തോടെ പ്രതികരിക്കുകയും ഇടപെടുകയും ചെയ്യണമെന്നും ബല്റാം പറയുന്നു. ‘വര്‍ഗീയത തുലയട്ടെ’ എന്ന ക്യാപ്ഷനോടു കൂടിയാണ് എം.എല്.എ പോസ്റ്റ് അവസാനിപ്പിക്കുന്നത്.
ഫെയിസ്ബുക്ക് പോസ്റ്റ് വായിക്കാം
കാസര്‍ക്കോട് സിപിഎം പ്രവര്ത്തകന് കൊല്ലപ്പെട്ടു. പേര് അബൂബക്കര്‍ സിദ്ധിഖ്. മഹാരാജാസിലെ അഭിമന്യുവിന്റെ ഏതാണ്ട് അതേ പ്രായം. വാര്‍ത്തകളില്‍ കാണുന്നത് പ്രകാരം കൊന്നത് എസ്ഡിപിഐ എന്ന മതമൗലിക ഭീകരവാദ സംഘടനയല്ല, രാജ്യം ഭരിക്കുന്ന സാംസ്‌ക്കാരിക പ്രസ്ഥാനമായ ആര്‍എസ്എസ് ആണ്. പെട്ടെന്നുണ്ടായ കശപിശയും സംഘര്ഷവുമല്ല, ആസൂത്രിതമായ കൊലപാതകം തന്നെയാണ് ഇവിടെയും നടന്നിരിക്കുന്നത്. അതിനാല് ശക്തമായ പോലീസ് നടപടികള് ഉണ്ടാകണം. ഭീകരപ്രവര്ത്തനമായിത്തന്നെ ഇതിനെ കാണണം. കാര്യാലയങ്ങള്‍ റെയ്ഡ് ചെയ്യണം. നേതാക്കന്മാരെ അറസ്റ്റ് ചെയ്ത് ചോദ്യം ചെയ്യണം. സര്‍ക്കാര്‍ അര്‍ജ്ജവത്തോടെ പ്രതികരിക്കണം, ഇടപെടണം.
‘വര്‍ഗീയത തുലയട്ടെ’
വഴിമരുന്ന് ഇട്ടുകൊടുക്കാതിരിക്കാന്‍ വേണ്ടി ചിലര്‍ മൗനമാചരിക്കാനാണ് ഉദ്ദേശ്യമെങ്കില്‍
ഞങ്ങള്‍ പറയാന്‍ തന്നെയാണ് തീരുമാനം.
