അതിതീവ്ര മഴയ്ക്ക് സാധ്യത; സംസ്ഥാനത്തെ മൂന്ന് ജില്ലകളില് ഇന്ന് റെഡ് അലര്ട്ട്
| Updated: Dec 12, 2024, 14:44 IST
അതിതീവ്ര മഴയ്ക്ക് സാധ്യതയുള്ളതിനാല് സംസ്ഥാനത്തെ മൂന്ന് ജില്ലകളില് കേന്ദ്ര കാലാവസ്ഥാ നിരീക്ഷണകേന്ദ്രം ഇന്ന് (12.12.2024) അലര്ട്ട് പ്രഖ്യാപിച്ചു. പത്തനംതിട്ട, ഇടുക്കി, എറണാകുളം ജില്ലകളിലാണ് റെഡ് അലര്ട്ട്. 24 മണിക്കൂറില് 204.4 എം.എമ്മില് കൂടുതല് മഴപെയ്തേക്കുമെന്നാണ് കാലാവസ്ഥാ പ്രവചനം.
തിരുവനന്തപുരം, കൊല്ലം, ആലപ്പുഴ, കോട്ടയം, തൃശ്ശൂര് ജില്ലകളില് ഇന്ന് ഓറഞ്ച് അലേര്ട്ടും പാലക്കാട്, മലപ്പുറം, കോഴിക്കോട്, വയനാട് ജില്ലകളില് ഇന്ന് മഞ്ഞ അലര്ട്ടു കേന്ദ്ര കാലാവസ്ഥാ നിരീക്ഷണകേന്ദ്രം പ്രഖ്യാപിച്ചിട്ടുണ്ട്. അതിശക്തമായ മഴയ്ക്കുള്ള സാധ്യതയാണ് പ്രവചിച്ചിട്ടുള്ളത്. 24 മണിക്കൂറില് 115.6 മുതല് 204.4 എം.എം വരെ മഴ ലഭിക്കുമെന്നാണ് പ്രവചനം.
