സംഘിപ്പട്ടം കിട്ടിയ മുസ്ലീങ്ങളില് ചിലരെ വേട്ടയാടുന്നു; ബിജെപി ചുമതലകള് രാജിവെച്ച് അലി അക്ബര്
സംവിധായകന് അലി അക്ബര് ബിജെപി സംസ്ഥാന സമിതിയില് നിന്ന് രാജിവെച്ചു. ചില ആനുകാലിക സംഭവങ്ങള് ഹൃദയത്തെ വേട്ടയാടി, അത് തീര്ക്കുന്നു. എല്ലാ ഉത്തരവാദിത്തങ്ങളും ഒഴിഞ്ഞു. പക്ഷങ്ങളില്ലാതെ മുന്നോട്ടു പോകാന് തീരുമാനിച്ചുവെന്ന് അലി അക്ബര് ഫെയിസ്ബുക്കില് കുറിച്ചു. വര്്ഷങ്ങള്ക്ക് മുന്പ് സംഘിപ്പട്ടം കിട്ടിയ മുസ്ലീങ്ങളില് ചിലരെ വേട്ടയാടുന്നത് കണ്ടുവെന്നും വേദനയുണ്ടെന്നും അലി അക്ബര് കുറിച്ചു. ബിജെപിയില് തന്നെ തുടരുമെന്ന് അല് അക്ബര് മാധ്യമങ്ങളോട് പ്രതികരിച്ചു.
ഒരു മുസല്മാന് ഭാരതീയ ജനതാപാര്ട്ടിയില് നിലകൊള്ളുമ്പോള് അനുഭവിക്കേണ്ടി വരുന്ന തെറിവിളികള്, സ്വകുടുംബത്തില് നിന്നും സമുദായത്തില് നിന്നും നേരിടേണ്ടി വരുന്ന അവഹേളനം ഇതൊക്കെ സമാന്യ ജനങ്ങള്ക്ക് മനസ്സിലായി എന്ന് വരില്ല. പക്ഷെ രാഷ്ട്രീയ നേതൃത്വത്തിനു മനസ്സിലാവണം. അധികാരവും ആളനക്കവുമുള്ളപ്പോള് ഉള്ളപ്പോള് ഓടിക്കൂടിയ എന്നെപ്പോലുള്ളവരെക്കുറിച്ചല്ല ഞാന് പറയുന്നത്. വര്ഷങ്ങള്ക്കു മുന്പേ സംഘിപ്പട്ടം കിട്ടിയ മുസ്ലീങ്ങളെക്കുറിച്ചാണ്. അവരൊക്കെ കഴിഞ്ഞ പൗരത്വ വിഷയ സമയത്തൊക്കെ കേരളത്തില് ഓടി നടന്നു പ്രവര്ത്തിക്കുന്നതും കണ്ടു. ഒരുപാട് പേരെ എനിക്കറിയാം. മുന്പ് പറഞ്ഞ സാമൂഹിക വേട്ടയാടലിനെ കൂസാക്കാതെ ധര്മ്മത്തെ അറിഞ്ഞു പുല്കിയവര്. രാഷ്ട്രം എന്ന വികാരത്തോടെ ചലിച്ചവര്. അത്തരത്തില് ചിലരെ വേട്ടയാടുന്നത് കണ്ടു. വേദനയുണ്ട്. ഒരുവനു നൊന്താല് അത് പറയണം, പ്രതിഫലിപ്പിക്കണം അത് സമാന്യ യുക്തിയാണ്. പൂട്ടിട്ട് പൂട്ടിവയ്ക്കാന് യന്ത്രമല്ല. അതിനെ അത്തരത്തില് കാണാതെ അംശവടികൊണ്ട് തടവലല്ല പരിഹാരമെന്ന് അലി അക്ബര് വ്യക്തമാക്കി.
പോസ്റ്റ് വായിക്കാം
