സംഗീത സംവിധായകന് കൈതപ്രം വിശ്വനാഥന് അന്തരിച്ചു
സംഗീത സംവിധായകന് കൈതപ്രം വിശ്വനാഥന് അന്തരിച്ചു. അര്ബുദ ബാധിതനായിരുന്ന കൈതപ്രം വിശ്വനാഥന് കോഴിക്കോട് എംവിആര് ക്യാന്സര് സെന്ററില് ചികിത്സയിലായിരുന്നു. 58 വയസായിരുന്നു. ഗാനരചയിതാവും സംഗീത സംവിധായകനുമായ കൈതപ്രം ദാമോദരന്റെ സഹോദരനാണ്. കൈതപ്രം ഗാനരചനയും സംഗീതവും നിര്വഹിച്ച ദേശാടനം എന്ന ചിത്രത്തില് സഹായിയായി രംഗത്തെത്തി.
പിന്നീട് ജയരാജിന്റെ തന്നെ കണ്ണകി എന്ന ചിത്രത്തിലൂടെ സ്വതന്ത്ര സംഗീത സംവിധായകനായി. തിളക്കം, ദൈവനാമത്തില്, ഉള്ളം, ഏകാന്തം, മധ്യവേനല്, നീലാംബരി, ഓര്മ്മ മാത്രം തുടങ്ങിയ ചിത്രങ്ങള്ക്ക് സംഗീതം നല്കി. കരിനീലക്കണ്ണഴകീ, കയ്യെത്തും ദൂരെ ഒരു കുട്ടിക്കാലം, നീയൊരു പുഴയായ്, എനിക്കൊരു പെണ്ണുണ്ട്, സാറേ സാറേ സാമ്പാറേ തുടങ്ങിയവയാണ ശ്രദ്ധേയമായ ഗാനങ്ങള്.
കണ്ണകി എന്ന ചിത്രത്തിലെ പശ്ചാത്തല സംഗീതത്തിന് സംസ്ഥാന ചലച്ചിത്ര അവാര്ഡ് ലഭിച്ചു. 1963ല് കണ്ണൂരിലെ കൈതപ്രം എന്ന ഗ്രാമത്തില് കണ്ണാടി ഇല്ലത്ത് കേശവന് നമ്പൂതിരിയുടേയും (കണ്ണാടി ഭാഗവതര്), അദിതി അന്തര്ജ്ജനത്തിന്റെയും മകനായി ജനിച്ചു. തിരുവനന്തപുരത്തെ സ്വാതിതിരുനാള് സംഗീത കോളേജില് നിന്ന് ഗാനഭൂഷണം നേടിയിട്ടുണ്ട്. ഗൗരിയാണ് ഭാര്യ. അദിതി, നര്മദ, കേശവന് എന്നിവര് മക്കളാണ്.
