വികസനം കാട്ടാന്‍ അമേരിക്കയിലെ ഫാക്ടറി, കൊല്‍ക്കത്തയിലെ ഫ്‌ളൈഓവര്‍; യോഗി സര്‍ക്കാരിന്റെ പരസ്യം വിവാദത്തില്‍
ഉത്തര്‍പ്രദേശ് സര്‍ക്കാരിന്റെ വികസന പദ്ധതികളെന്ന പേരില്‍ കൊല്‍ക്കത്തയിലെയും അമേരിക്കയിലെയും ചിത്രങ്ങള്‍ നല്‍കിയ പരസ്യം വിവാദത്തില്‍. ഇന്നത്തെ പത്രങ്ങളില്‍ പ്രത്യക്ഷപ്പെട്ട പരസ്യത്തില്‍ കൊല്‍ക്കത്തയിലെ ഫ്‌ളൈ ഓവറിന്റെയും അമേരിക്കയിലെ ഫാക്ടറിയുടെയും ചിത്രങ്ങളാണ് നല്‍കിയിരിക്കുന്നത്. ഫുള്‍ പേജ് പരസ്യത്തില്‍ മുഖ്യമന്ത്രി യോഗി ആദിത്യനാഥിന്റെ ചിത്രവും ഉള്‍പ്പെടുത്തിയിട്ടുണ്ട്.
പരസ്യം വിവാദമായതിന് പിന്നാലെ മമതയില്‍ നിന്ന് പ്രചോദനം ഉള്‍ക്കൊണ്ടാണോ യോഗി യഥാര്‍ത്ഥ വികസനത്തെ കുറിച്ച് മനസിലാക്കിയതെന്ന പരിഹാസവുമായി ബംഗാള്‍ ഗതാഗതമന്ത്രി ഫിര്‍ഹാദ് ഹക്കീം രംഗത്തെത്തി.
In this picture, @myogiadityanath's desperation to make UP look good made him use @MamataOfficial's infrastructural development in Kolkata as his own.
— FIRHAD HAKIM (@FirhadHakim) September 12, 2021
Maybe he got inspired by her or realised what true development means after visiting the state during the elections. pic.twitter.com/QQHewPhcNN
കൊല്‍ക്കത്തയിലെ എംഎഎ ഫ്‌ലൈഓവര്‍, ഞങ്ങളുടെ ജെഡബ്ല്യു മാരിയറ്റ്, ഞങ്ങളുടെ മഞ്ഞ ടാക്‌സികള്‍ എന്നിവ യുപിയുടെ പരസ്യത്തില്‍! നിങ്ങളുടെ ആത്മാവിനെ മാറ്റുക അല്ലെങ്കില്‍ നിങ്ങളുടെ പരസ്യ ഏജന്‍സിയെ മാറ്റുക. നോയിഡയില്‍ എനിക്കെതിരെ എഫ്‌ഐആറുകള്‍ക്കായി കാത്തിരിക്കുന്നു എന്നായിരുന്നു മഹുവ മൊയ്ത്ര എംപി ട്വിറ്ററില്‍ പ്രതികരിച്ചത്.
Thuggy Yogi in his UP ads with Kolkata’s MAA flyover, our JW Marriott & our iconic yellow taxis!
— Mahua Moitra (@MahuaMoitra) September 12, 2021
Change your soul or at least your ad agency Gudduji!
P.S. Looking forward to FIRs against me in Noida now :-) pic.twitter.com/I7TRUMvCjO
യുപിയുടെ പരിവര്‍ത്തനമെന്നത് ബംഗാളിലെ അടിസ്ഥാനസൗകര്യങ്ങളുടെ ചിത്രങ്ങള്‍ മോഷ്ടിച്ച് ഉപയോഗിക്കുന്നതാണെന്നാണ് ടിഎംസി ജനറല്‍ സെക്രട്ടറി അഭിഷേക് ബാനര്‍ജിയുടെ പരിഹാസം. ഇരട്ട എഞ്ചിന്‍ മോഡല്‍ പൂര്‍ണമായി തകര്‍ന്നു. ബിജെപിയുടെ ശക്തമായ സംസ്ഥാനത്തിന്റെ യഥാര്‍ത്ഥ ചിത്രം വ്യക്തമായെന്നും അഭിഷേക് ബാനര്‍ജി വിമര്‍ശിച്ചു.
Transforming UP for @myogiadityanath means stealing images from infrastructure seen in Bengal under @MamataOfficial's leadership and using them as his own!
— Abhishek Banerjee (@abhishekaitc) September 12, 2021
Looks like the 'DOUBLE ENGINE MODEL' has MISERABLY FAILED in BJP’s strongest state and now stands EXPOSED for all! https://t.co/h9OlnhmGPw
