രാജ്യത്ത് ഒമിക്രോൺ ബാധിതർ കൂടുന്നു.
| Dec 17, 2021, 14:58 IST
രാജ്യത്ത് ഒമിക്രോണ് കേസുകളുടെ എണ്ണം വര്ധിക്കുന്നു. ദില്ലിയിൽ പത്ത് പേരുടെ പരിശോധനാ ഫലം കൂടി പോസിറ്റീവ് ആയതായി ആരോഗ്യമന്ത്രി അറിയിച്ചു. ഇതോടെ രാജ്യത്ത് ആകെ ഒമിക്രോണ് കേസുകളുടെ എണ്ണം 90 ആയി. ഡല്ഹിയില് മാത്രം ഒമിക്രോണ് ബാധിതര് 20 ആയിട്ടുണ്ട്.
ഒമിക്രോണ് വ്യാപനം നേരിടുന്നതിന് കര്ശന ജാഗ്രത പാലിക്കണമെന്ന് സംസ്ഥാനങ്ങളോട് കേന്ദ്ര സര്ക്കാര് കഴിഞ്ഞ ദിവസവും നിര്ദേശിച്ചിരുന്നു. ഒമിക്രോണ് പ്രതിരോധവുമായി ബന്ധപ്പെട്ട് കഴിഞ്ഞ ദിവസം ആഭ്യന്തര സെക്രട്ടറി സംസ്ഥാന ചീഫ് സെക്രട്ടറിമാരുമായി ചര്ച്ച നടത്തിയിരുന്നു.
ഒമിക്രോണ് വകഭേദ വ്യാപനം രൂക്ഷമായതിനെ തുടര്ന്ന് രാജ്യത്തുനിന്ന് ആരംഭിക്കാനിരുന്ന അന്താരാഷ്ട്ര വിമാന സര്വീസുകള് ജനുവരി 31 വരെ തുടങ്ങേണ്ടതില്ലെന്നും ഇന്ത്യ തീരുമാനിച്ചിരുന്നു.
