പിജി ഡോക്ടറുടെ ആത്മഹത്യ; റുവൈസിനെ സസ്പെന്ഡ് ചെയ്തു
Dec 7, 2023, 13:03 IST
| ![dr shahana](https://newsmoments.in/static/c1e/client/89487/uploaded/ee265b7cbdbf86b8882ab3a27071c92a.jpeg)
സ്ത്രീധനത്തെ തുടര്ന്ന് തിരുവനന്തപുരം മെഡിക്കല് കോളേജിലെ പിജി ഡോക്ടര് ആത്മഹത്യ ചെയ്ത സംഭവത്തില് പിജി ഡോക്ടര് റുവൈസിനെ സസ്പെന്ഡ് ചെയ്തു. ഗൗരവതരമായ വിഷയമാണെന്നും ഇത് ഒരുതരത്തിലും അംഗീകരിക്കാന് കഴിയില്ലെന്നും ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു.
സംഭവത്തില് അന്വേഷണം നടത്തി കര്ശന നടപടി സ്വീകരിക്കാന് മന്ത്രി വീണാ ജോര്ജ് മെഡിക്കല് വിദ്യാഭ്യാസ വകുപ്പ് ഡയറക്ടര്ക്കും വനിത ശിശുവികസന വകുപ്പ് ഡയറക്ടര്ക്കും നിര്ദേശം നല്കിയിരുന്നു. ഇതിന്റെയടിസ്ഥാനത്തിലാണ് തിരുവനന്തപുരം മെഡിക്കല് കോളേജ് പ്രിന്സിപ്പല് ഡോക്ടറെ സസ്പെന്ഡ് ചെയ്തത്.