രാജ്യത്തെ മികച്ച ന​ഗരങ്ങളുടെ പട്ടികയിൽ ആദ്യ അഞ്ചിൽ തിരുവനന്തപുരവും കൊച്ചിയും

രാജ്യത്തെ മികച്ച ന​ഗരങ്ങളുടെ പട്ടികയിൽ ആദ്യ അഞ്ചിൽ തിരുവനന്തപുരവും കൊച്ചിയും 

നീതി ആയോ​ഗ് തയ്യാറാക്കിയ രാജ്യത്തെ ന​​ഗര സുസ്ഥിക വികസന സൂചികയിൽ തിരുവനന്തപുരവും കൊച്ചിയും ആദ്യ അഞ്ച് സ്ഥാനങ്ങളിൽ ഇടം പിടിച്ചു. ഷിംലയാണ് പട്ടികയിൽ ഒന്നാമത്. കോയമ്പത്തൂർ  രണ്ടാമതും ചണ്ഡി​ഗഢ് മൂന്നാമതും എത്തി. നാലാം സ്ഥാനം തിരുവനന്തപുരം നേടിയപ്പോൾ കൊച്ചി അഞ്ചാമതെത്തി. 

ദാരിദ്ര നിർമാർജനം, ജീവിത നിലവാരം, പട്ടിണി ഇല്ലാതാക്കൽ, ആരോഗ്യം, പൊതുവിദ്യാഭ്യാസം, ലിംഗസമത്വം തുടങ്ങിയ മാനദണ്ഡങ്ങളെ അടിസ്ഥാനമാക്കിയാണ് പട്ടിക തയ്യാറാക്കിയത്. കോവിഡ് പ്രതിസന്ധികൾക്കിടയിലും ഈ നേട്ടം കൈവരിക്കാൻ സാധിച്ചു എന്നത് അഭിമാനകരമാണെന്ന് മുഖ്യമന്ത്രി പിണറായി വിജയൻ ഫേസ്ബുക്ക് പോസ്റ്റിൽ കുറിച്ചു.  കേരളത്തിലെ നഗര വികസനത്തിനായി സർക്കാർ നടത്തുന്ന പരിശ്രമങ്ങൾക്കുള്ള അംഗീകാരം കൂടിയാണിതെന്നും അദേഹം പറഞ്ഞു. 

77ഓളം നിബന്ധനകളുടെ അടിസ്ഥാനത്തിൽ 56 ന​ഗരങ്ങളെയാണ് പട്ടികയിൽ ഉൾപ്പെടുത്തിയിട്ടുള്ളത്. മീററ്റ്, ധൻബാദ്  എന്നിവയാണ് പട്ടികയിൽ അവസാന സ്ഥാനങ്ങളിൽ.