വയർലസ് സന്ദേശം ചോർത്തി; ഷാജൻ സ്കറിയയ്ക്കെതിരെ കേസെടുക്കാൻ നിർദേശം
Nov 7, 2023, 17:04 IST
| ![juhu](https://newsmoments.in/static/c1e/client/89487/uploaded/8de538e9631d2b7a9fba6992de5f8a53.jpg)
കൊച്ചി: വയർലസ് സന്ദേശം ചോർത്തിയെന്ന കേസിൽ മറുനാടൻ മലയാളി ഓണ്ലൈൻ ചാനൽ ഉടമ ഷാജൻ സ്കറിയയ്ക്ക് എതിരെ കേസെടുക്കാൻ എറണാകുളം ജുഡീഷ്യൽ ഒന്നാംക്ലാസ് മജിസ്ട്രേറ്റ് കോടതിയുടെ ഉത്തരവ്. ഗൂഗിൾ ഇന്ത്യയ്ക്ക് എതിരെയും കേസ് എടുക്കണമെന്നും കോടതി ഉത്തരവിട്ടു.
ഷാജൻ സ്കറിയ പൊലീസിന്റെ വയർലെസ് സന്ദേശങ്ങൾ ചോർത്തിയെന്നാരോപിച്ച് പി വി അൻവർ എംഎല്എ ഡിജിപിക്ക് പരാതി നൽകിയിരുന്നു. സംസ്ഥാനത്ത് വിവിധ ഇടങ്ങളിലായി 15 ലധികം കേസുകൾ ഷാജൻ സ്കറിയക്ക് എതിരെയുണ്ട്. ഷാജൻ സ്കറിയയുടെ പ്രവർത്തി സൈബർ തീവ്രവാദമാണ്. പരാതിയിൽ പ്രഥമ ദൃഷ്ട്യാ കഴമ്പുണ്ടെന്നും മജിസ്ട്രേറ്റ് കോടതി പറഞ്ഞു. കേസ് എടുക്കാൻ പാലാരിവട്ടം പൊലീസിന് നിർദേശം നൽകി.