യുറോപ്പലീഗ് സെമി: ലെപ്സിഗിനും ഫ്രാങ്ക്ഫർട്ടിനും വിജയം
| Apr 29, 2022, 10:51 IST
യുറോപ്പലീഗ് ആദ്യപാദ സെമിയിൽ ജർമ്മൻ ക്ലബ്ബുകളായ ആർബി ലെപ്സിഗ്, ഐൻത്രാക്ട് ഫ്രാങ്ക്ഫർട്ട് എന്നിവർക്ക് ജയം. ലെപ്സിഗ് റെയ്ഞ്ചേഴ്സിനെ എതിരില്ലാത്ത ഒരു ഗോളിന് തോൽപ്പിച്ചപ്പോൾ ഫ്രാങ്ക്ഫർട്ട് ഇംഗ്ലീഷ് ക്ലബ് വെസ്റ്റ്ഹാമിനെ തോൽപ്പിച്ചു. ഒന്നിനെതിരെ രണ്ട് ഗോളുകൾക്കായിരുന്നു ഫ്രാങ്ക്ഫർട്ടിന്റെ ജയം.
85ാം മിനിറ്റിൽ അഞ്ചലീനോ നേടിയ ഗോളിലാണ് റെഡ്ബുൾ ലെപ്സിഗ് റേയ്ഞ്ചേഴ്സിനെ മറികടന്നത്. കളിയിലുടനീളം മികച്ചു നിന്നതും റെയ്ഞ്ചേഴ്സ് തന്നെയാണ്.
ആദ്യമിനിറ്റിൽ തന്നെ ക്നൗഫ് നേടിയ ഗോളിൽ ലീഡെഡുത്ത ഫ്രാങ്ക്ഫർട്ടിനെ അന്റോണിയോ നേടിയ ഗോളിലൂടെ 22ാം മിനിറ്റിൽ വെസ്റ്റ്ഹാം സമനിലയിൽ പിടിച്ചു. എന്നാൽ ഡായിച്ചി കമാദ 54ാം മിനിറ്റിൽ നേടിയ ഗോൾ ഫ്രാങ്ക്ഫർട്ടിന് വിജയം നേടിക്കൊടുത്തു.
രണ്ടാം പാദ മത്സരങ്ങൾ മെയ് അഞ്ചിന് നടക്കും.
