ഇന്ററിനെ തകർത്ത് ലിവർപൂൾ, ബയേണിന് സമനില

ചാമ്പ്യൻസ് ലീ​ഗ് പ്രീക്വാർട്ടർ ആദ്യപാദ മത്സരത്തിൽ ഇറ്റാലിയൻ ക്ലബ് ഇന്റർമിലാനെ ഇം​ഗ്ലീഷ് ക്ലബ് ലിവർപൂൾ തോൽപ്പിച്ചു. എതിരില്ലാത്ത രണ്ടു ​ഗോളുകൾക്കാണ് ലിവർപൂളിന്റെ വിജയം. മറ്റൊരു മത്സരത്തിൽ ജർമ്മൻ ചാമ്പ്യൻമാരായ ബയേൺ മ്യൂണിക്കിനെ ഓസ്ട്രിയൻ ക്ലബ് റെഡ്ബുൾ സാൽസ്ബർ​ഗ് സമനിലയിൽ തളച്ചു. രണ്ടു ടീമും ഓരോ ​ഗോൾ നേടി.

മിലാനിൽ ന‌‌ടന്ന ഇന്റർ- ലിവർപൂൾ മത്സരത്തിൽ രണ്ടു ​ഗോളും പിറന്നത് രണ്ടാം പകുതിയിലാണ്. എഴുപതിയഞ്ചാം മിനിറ്റിൽ പകരക്കാരനായി ഇറങ്ങിയ ബ്രസീലിയൻ താരം റോബർട്ടോ ഫിർമിനോ ആദ്യ ​ഗോൾ നേടി. 83ാം മിനിറ്റിൽ സൂപ്പർതാരം മുഹമ്മദ് സലയാണ് രണ്ടാം ​ഗോൾ നേടിയത്. 

21ാം മിനിറ്റിൽ അദമു നേടിയ ​ഗോളിൽ സലാസ്ബർ​ഗ്, ബയേൺ മ്യൂണിക്കിനെതിരെ ലീഡ് നേടി. അട്ടിമറി ഉറപ്പിച്ച ഘട്ടത്തിൽ മത്സരത്തിന്റെ 90ാം മിനിറ്റിൽ ആണ് കിം​ഗ്സ്‍ലി കോമൻ ബയേൺ മ്യൂണിക്കിനായി ​ഗോൾ നേടുന്നത്.  23ന് ആണ് ഒന്നാം പാദത്തിലെ ബാക്കി മത്സരങ്ങൾ.