പിഎസ്ജിക്ക് തോൽവി; റയലിനും അത്‍ലറ്റിക്കോ മാഡ്രിഡിനും ജയം
ഫ്രഞ്ച് ലീഗിൽ നെയ്മർ പെനാൽറ്റി നഷ്ടപ്പെടുത്തിയ കളിയിൽ നാൻതിനെതിരെ പാരി സാൻ ജേഴ്മക്ക് തോൽവി. ഒന്നിനെതിരെ മൂന്ന് ഗോളുകൾക്കാണ് പിഎസ്ജി തോറ്റത്. ആദ്യ പകുതിയിൽ ആണ് നാൻതിന്റെ മൂന്ന് ഗോളുകളും പിറന്നത്. 47ാം മിനിറ്റിൽ നെയ്മർക്ക് ലഭിച്ച പെനാൽറ്റി ഗോൾകീപ്പർ തടഞ്ഞിട്ടു. തോറ്റെങ്കിലും പോയിന്റ് പട്ടികയിൽ പിഎസ്ജി തന്നെയാണ് മുന്നിൽ.
ലാലീഗയിൽ റയൽ മാഡ്രിഡ് തകർപ്പൻ ജയം സ്വന്തമാക്കി. ഡെപോർട്ടീവോ അലാവേസിനെ എതിരില്ലാത്ത മൂന്ന് ഗോളിനാണ് റയൽ തകർത്തത്. ഒരു ഗോളും രണ്ട് അസിസ്റ്റുമായി കരീം ബെൻസേമ തിളങ്ങിയ മത്സരത്തിൽ വിനീഷ്യസ് ജൂനിയർ, മാർക്കോ അസെൻസിയോ എന്നിവരു ഗോളടിച്ചു. ഒസാസുനയെ എതിരില്ലാത്ത മൂന്ന് ഗോളിനാണ് അത്‍ലറ്റിക്കോ മാഡ്രിഡ് തകർത്തത്. ജോ ഫെലിക്സ്, ലൂയി സുവാരസ്, എയ്ഞ്ചല കൊറെയേ എന്നിവർ ഗോളടിച്ചു.
ലീഗിലെ മറ്റൊരു മത്സരത്തിൽ വില്ലാറയൽ ഗ്രനേഡയെ ഒന്നിനെതിരെ നാല് ഗോളുകൾക്ക് പരാജയപ്പെടുത്തി.
