ലോകകപ്പ് യോ​ഗ്യതക്ക് ഒരു ജയം അകലെ ഉക്രൈന്‍; പ്ലേ ഓഫിൽ എതിരാളികൾ വെയിൽസ്

സ്കോട്ട്ലാന്റിനെ ഒന്നിനെതിരെ മൂന്ന് ​ഗോളുകൾക്ക് തോൽപ്പിച്ച് ഉക്രൈൻ ലോകകപ്പ് യോ​ഗ്യതയുടെ അടുത്തെത്തി. ഇനി പ്ലേഓഫിൽ വെയിൽസിനെ പരാജയപ്പെടുത്തിയാൽ ഉക്രൈന് ലോകകപ്പ് കളിക്കാം. 

33ാം മിനിറ്റിൽ ആൻട്രി യർമൊലെൻങ്കോ, 49ാം മിനിറ്റിൽ റൊമാൻ യറെംചുക്ക്, 95ാം മിനിറ്റിൽ ആർട്ടെം ഡൊവ്ബൈക്ക് എന്നിവരാണ് ​ഗോളുകൾ നേടിയത്. സ്കോട്ടിന്റെ ​ഗോൾ മ​ഗ് ​ഗ്രെ​ഗോറിന്റെ വകയായിരുന്നു. 

റഷ്യക്കെതിരായ യുദ്ധത്തിൽ പോരാടുന്ന ഉക്രൈൻ ജനതക്ക് ഏറെ വൈകാരികമായ മത്സരമായിരുന്നു ഇത്. 65 അനാഥരാക്കപ്പെട്ട കുട്ടികൾ ഉൾപ്പടെ 3500ഓളം ഉക്രൈൻ ഫാൻസ് മത്സരം കാണാൻ  എത്തിയിരുന്നു. അഞ്ചാം തിയ്യതിയാണ് വെയിൽസുമായുള്ള മത്സരം.