ഗ്രേലിഷിനായി 75 മില്യൻ ഓഫറുമായി സിറ്റി; നൂറ് ചോദിച്ച് ആസ്റ്റൺ വില്ല.
ആസ്റ്റൺ വില്ല മിഡ്ഫീൽഡർ ജാക്ക് ഗ്രേലിഷിനായി എഴുപത്തിയഞ്ച് മില്യൻ പൗണ്ട് ഓഫർ വെച്ച് മാഞ്ചസ്റ്റർ സിറ്റി. എന്നാൽ നൂറ് മില്യൻ എന്ന ആവശ്യത്തിൽ ഉറച്ചു നിൽക്കുകയാണ് വില്ല. ഗ്രേലിഷിന് ആഴ്ച്ചയിൽ ഒന്നര ലക്ഷം പൗണ്ട് പ്രതിഫലം കിട്ടുന്ന രീതിയിലാണ് പുതിയ ഓഫർ. വരും ദിവസങ്ങളിൽ ഈ വിഷയത്തിൽ കൂടുതൽ ചർച്ചകൾ നടക്കുമെന്ന് ഇരു ടീമിന്റെ മാനേജുമെന്റുകൾ അറിയിച്ചിട്ടുണ്ട്.
അതേസമയം അടുത്ത വർഷം വരെ മാഞ്ചസ്റ്റർ യുണൈറ്റഡിൽ തുടരാനാണ് പദ്ധതിയെന്ന് ഫ്രഞ്ച് താരം പോൾ പോഗ്ബയുമായി ബന്ധപ്പെട്ട വൃത്തങ്ങൾ അറിയിച്ചു. 2022ലായിരിക്കും ഭാവി സംബന്ധിച്ച തീരുമാനമെടുക്കുക എന്നാണ് അറിയുന്നത്. പിഎസ്ജി പോഗ്ബക്കായി കാര്യമായി ശ്രമിക്കുന്നുണ്ട്.
ചെൽസിയുടെ പതിനാറുകാരൻ എമ്രാൻ സോഗ്ളോയെ ടീമിലെത്തിക്കാനുള്ള ബയേൺ ശ്രമങ്ങൾ അവസാന ഘട്ടത്തിൽ. സെന്റർ അറ്റാക്കിംഗ് മി‍ഡിഫീൽഡർ ആണ് സോഗ്ളോ. നിലവിൽ ബയേൺ അണ്ടർ 17 ടീമിനൊപ്പം പരിശീലനത്തിലാണ് താരം.
