പിഎസ്ജി ജേഴ്സിയിൽ 66 മിനിറ്റിൽ മെസ്സി ഇറങ്ങി. എംബാപ്പെയുടെ ഇരട്ട ഗോളിൽ ടീമിന് വിജയം
നെയ്മർക്കു പകരക്കാരനായി അറുപത്തിയാറാം മിനിറ്റിൽ ലയേണൽ മെസ്സി പിഎസ്ജി മുപ്പതാം നമ്പർ ജഴ്സിയിൽ കളത്തിലിറങ്ങി. ആദ്യമായി ബ്ലൂഗ്രാനാ ജഴ്സിയിലാല്ലാതെ മെസി മറ്റൊരു ക്ലബ്ബിനു വേണ്ടി കളത്തിലിറങ്ങിയ മത്സരത്തിൽ കിലിയൻ എംബാപ്പയുടെ ഇരട്ട ഗോളിൽ സ്താദ് ദെ റാസിനെതിരെ പിഎസ്ജിക്ക് എതിരില്ലാത്ത രണ്ടു ഗോൾ വിജയം.
പതിനാറാം മിനിറ്റിൽ എയ്ഞ്ചൽ ഡി മറിയയുടെ പാസിൽ നിന്നും അറുപത്തി മൂന്നാം മിനിറ്റിൽ അചറഫ് ഹക്കീമിയുടെ പാസിൽ നിന്നുമാണ് എംബാപ്പെ ഗോളടിച്ചത്. കളിയിലൂടനീളം പിഎസ്ജിക്ക് തന്നെയായിരുന്നു ആധിപത്യം. 67 ശതമാനം പന്ത് കൈവശം വച്ചതും അവരായിരുന്നു.
പിഎസ്ജിയുടെ ഹോം ഗ്രൗണ്ടിൽ വലിയ വലവേൽപ്പാണ് കളത്തിലിറങ്ങിയ മെസിക്ക് ലഭിച്ചത്. 77–ാം മിനിറ്റിലെ മികച്ച നീക്കത്തിലൂടെ മെസ്സി– എംബപ്പെ സഖ്യം ഗോളെന്നുറച്ച അവസരത്തിൽ എത്തിയതുമാണ്. റാസിന്റെ പ്രതിരോധം എന്നാൽ അത് ക്ലിയർ ചെയ്തു മാറ്റി.
