ഋഷഭ് പന്തിന് സെഞ്ച്വറി; കേപ്ടൗണിൽ ദക്ഷിണാഫ്രിക്കക്ക് 212 റൺസ് വിജയ ലക്ഷ്യം

 | 
rishabh

വിമർശകരുടെ നാവടക്കിയ സെഞ്ച്വറി  പ്രകടനവുമായി ഋഷഭ് പന്ത് കേപ്ടൗൺ ടെസ്റ്റിൽ സെഞ്ച്വറി നേടി. ഈ സെഞ്ച്വറിയു‌‌ടെ മികവിൽ ഇന്ത്യ ദക്ഷിണാഫ്രിക്കക്ക് മുന്നിൽ 212  റൺസിന്റെ വിജയലക്ഷ്യം മുന്നോട്ട് വച്ചു. ഇന്ത്യയു‌ടെ രണ്ടാം ഇന്നിം​ഗ്സ് 198  റൺസിന് അവസാനിച്ചു. 139  പന്തിലാണ് ഋഷഭ് പുറത്താവാതെ 100  റൺസ് നേടിയത്. പന്തിനു പുറമെ 29 റൺസെടുത്ത നായകൻ കോഹ്‍ലി മാത്രമാണ് ഇന്ത്യൻ നിരയിൽ പിടിച്ചു നിന്നത്. ​ദക്ഷിണാഫ്രിക്കക്ക് വേണ്ടി ജൻസൻ 4ഉം എൻ​ഗിഡി, റബാദ എന്നിവർ 3 വിക്കറ്റും വീഴ്ത്തി. 

രണ്ട് വിക്കറ്റ് നഷ്ടത്തിൽ 57 റൺസ് എന്ന നിലയിൽ ബാറ്റിം​ഗ് തുടങ്ങിയ ഇന്ത്യക്ക് 9 റൺസെടുത്ത  പുജാരയെ ആദ്യം നഷ്ടമായി. തൊട്ടുപിന്നാലെ 1 റണ്ണുമായി രഹാനെ മടങ്ങി. പന്തും കോ‍ഹ്‍ലിയും ചേർന്ന് രക്ഷാപ്രവർത്തനം ന‌ടത്തിയെങ്കിലും എൻ​ഗിഡി ഇന്ത്യൻ മധ്യനിരയെ തകർത്തു. കോഹ്‍ലി- പന്ത് സഖ്യം 94 റൺസ് നേടി. കളി ജയിക്കുന്നവർക്ക് പരമ്പര സ്വന്തമാക്കാം.